Die blyplek is soos sonskyn op 'n koue wintersdag. Dit is 'n baie netjiese, moderne en verfrissende kamer met 'n pragtige uitsig. Die gashere is uitstekend. Die gasvrou loer gereeld in om seker te maak alles is nog reg en vertel ook van al die aandete specials by die lokale restaurante. Ons het baie lekker gebly en sal vir seker weer daar bly as ons Greyton toe gaan.

Good value for money. Had a good rest. Exactly what we were looking for.

Rustig stil en netjies. Baie lekker gebly. Eienaar baie vriendelik en gehelp met inligting van die area. Netjies alles wat nodig is. Sal beslis aanbeveel.

Fantastiese gasvrou en heer en 'n pragtige woonstel in 'n natuurskone dorpie. Mariana en haar man het ons dadelik tuis laat voel. Die woonstel was pragtig ingerig, skoon en netjies. Daar is alles en meer as wat mens verwag. Ons het die ekstra bederfies baie waardeer, dankie Mariana! Ons sal weer daar gaan bly en hulle beslis aanbeveel.

Uitstekend en baie geniet. Uitstekend. Vriendelik en behulpsaam. Het baie goeie diens gelewer en goed gekommunikeer.

Die kuier was aangenaam. Die plekkie is smaakvol toegerus. Dit is perfek vir oorslaap. Daar is 'n koffie/tee stasie en die gasvrou het vir ons muesli en jogurt beskikbaar gemaak. Daar is geen geriewe om self kos te berei nie en die yskas is baie klein.

It was relaxing, wonderful and in a great neighbourhood. Our stay was absolutely fabulous. All our basic needs were met, which just made our stay so easy.

Ek het vir my en my dogter wat 40 geword het, bespreek in Eudaimonia om haar bekend te stel aan die mooie Greyton. Marianne het vooraf moeite gedoen met restaurantinligting en verkeersinligting om ons naweek suksesvol te maak. By aankoms is ons hartlik ontvang deur Marianne. Ons eenheid was gevul met heerlike vars vrugte, jogurt en melk in die yskas en 'n verskeidenheid tee en koffie om van te kies, en boonop 'n geskenkie vir my dogter se verjaardag, gemaak deur die beste chocolatier van hierdie omgewing. Daar is soveel om te beleef in Greyton en Genandendal. Die Saterdag Markie is 'n belewenis en die vriendelikheid van die uitstallers en mense in die dorp en omgewing is uitstaande. 'n Groot belewenis op 'n reënerige naweek was die Post Office Lodge Hotel waar ons voor 'n gesellige kaggelvuur kon sit en 'n drankie in hierdie geskiedkundige plek geniet. Hoogtepunte is die winkeltjies waardeur mens kan loop en kyk en nie gedruk voel om te koop nie. Die koop kom sommer vanself. En dan het ek die voorreg gehad om op die oudste orrel met die oudste orrelpype in die kerkie in Genadendal te kon speel. Dank aan die "Master of Music". Dit is beslis die moeite werd om die klein plekkie te besoek, die kerk te besigtig asook die museum. Lees gerus oor die geskiedenis van Genadendal. Slotsom, Eudaimonia sal u nie teleurstel nie.

Goeie waarde vir geld en baie behulpsame eienaars. Ons het vir 2 nagte oorgeslaap vir die Pie Run. Ons kon ons fietse in die garage stoor en Mariana was baie behulpsaam. Die sonkrag was 'n lewensredder, want die volgende dag was die dorp se krag amper die hele dag af en die Pie Run was baie koud, nat en modderig. Die warm stort was hemels en ons kon kos warm maak en water kook. Mariana het graag gehelp met swartsakke en emmers vir ons vuil klere en as die krag nie af was nie sou sy dalk nog aangebied het om dit vir ons te was, dis hoe tegemoetkomend hulle was. Natuurlik moet ek ook sê dat die beskuit heerlik was. Baie dankie! Ons het geen rede gehad om te kla nie.

More than what I expected, just fabulous. Place is very central, you can walk to the shops and restaurants. We felt very safe in the day and at night.