Beskrywing

Fairway Cottage is 'n lieflike selfsorg-ateljeewoonstel verbonde aan die eienaar se huis in Port Edward. Die eiendom is oorkant die gholfklub wat 'n goeie restaurant en kroeg het. Port Edward is 'n klein hengel- en vakansiebestemming met verskeie doendinge wat aangebied word. Roetes, staptogte en kloofbesigtiging om 'n paar te noem. Daar is baie oulike winkeltjies en restaurante, en 'n pragtige hoofstrand, met lewensredders sowel as afgesonderde baaie.

Die knus kothuis het slaapplek vir 2 gaste en beskik oor 'n gekombineerde leef- en slaaparea, asook 'n kombuisie en badkamer. Die eenheid het 'n dubbelbed en 'n badkamer met 'n stort, toilet en 'n wasbak. Ekstra reëlings kan getref word vir 'n addisionele kind, op versoek. Linne en badhanddoeke word voorsien.

Die kamer het 'n platskerm-TV met OpenView-kanale, yskassie en tee- en koffiemaakgeriewe. Gratis WiFi-toegang word ook voorsien. Die kombuisie is toegerus met 'n mikrogolf, ketel en broodrooster; 'n 2-plaatstoof is op versoek beskikbaar.

Buite is 'n klein privaat patio vir braai en skemerkelkies wat oor die groot tuin uitkyk. Die eenheid beskik oor 'n aparte ingang met veilige parkeerplek op die perseel. Klein honde is welkom op gaste se eie risiko