Beskrywing

Family Tides bied gerieflike selfsorg-verblyf aan 6 gaste in Scottburgh en is minder as 100 m van die strand af.

Dié dorpshuis is geskik vir 4 volwassenes en 2 kinders en het 2 slaapkamers, 'n badkamer, kombuis en 'n sit-area. Die hoofslaapkamer het 'n dubbelbed en die tweede slaapkamer het 2 enkelbeddens met kinderbeddens wat onder dit uittrek. Die kamers deel 'n badkamer wat 'n stort en aparte toilet het. Linne word voorsien, maar gaste moet asb. hul eie bad- en swemhanddoeke saambring. Gaste kan wel badhanddoeke aanvra teen 'n ekstra koste.

Die oopplan-kombuis is met 'n stoof, oond, mikrogolf, yskas en tee- en koffiemaakgeriewe toegerus.

Gaste kan in die sitarea ontspan waar daar 'n TV met sekere DStv-kanale is. Dié area lei na 'n privaat stoep met braaigeriewe. Rook is verbode in die eenheid. Troeteldiere word ongelukkig nie toegelaat nie.

Onderdakparkeerplek is beskikbaar en die kompleks het 'n swembad.

Scottburgh het 'n rits aktiwiteite soos voëlkyk, visvang, swem, snorkel, duik, branderplankry, voetslaan en gholfspeel. Gaste kan Crocworld besoek wat 'n verskeidenheid voëls en reptiele het.