Lekker. Ja, baie lekker gebly. Mooi plek.

Lekkerste Paasnaweek gehad by See-wende Hemel. Die huis is baie netjies en die uitsig is pragtig oor die see. Baie rustige buurt. Sal definitief weer See-wende Hemel bespreek vir 'n wegbreek.

Hemel in Yzerfontein. Baie besonderse blyplek met ryke geskiedenis. Baie gerieflik met hope spasie. Toesluit motorhuis met direkte ingang in die kombuis is beslis 'n pluspunt. Kragtige inverter stelsel sodat mens nie eers weet daar is beurtkrag nie. Vorige resensies het genoem van vuil vensters. Ons het gevind dat al die vensters mooi skoon was behalwe vir die wat hoog en onbekombaar is. Mens kan verstaan as dit nie met elke besoek skoon gemaak word nie.

Oor die algemeen lekker, maar daar is vir seker goed wat ons kuier versuur het. Ons het lekker gebly, alhoewel die water en waterdruk 'n groot probleem was. Die waterdruk was min tot geen en elke keer as iemand in die onderste verdieping stort/bad, dan hou die skottelgoedwasmasjien op met was en is daar geen water beskikbaar in die kombuis nie. Dit was vir ons 'n redelike groot probleem aangesien 'n mens graag wil kan stort aan die einde van die dag. Die huis kan nie geadverteer word vir 10 gaste as daar nie eers 2 gaste gemaklik kan stort nie. Verder was een van die onderste kamers vol vlooie en is ons kind die eerste aand vreeslik gebyt deur die vlooie (meer as 20 bytplekke op sy lyfie). Ons moes die hele kamer skuif en spuit met insekdoder, waarna ek seker maklik meer as 100 vlooie van die vloer moes verwyder.

Unhappy. We booked for 5 nights but only stayed for one night. The house is in need of repairs. The patio is unsafe. The house is not spacious for 10 people to move around in. Very dissatisfied.

Om Yzerfontein te ontdek vanaf See-wende Hemel was die beste ervaring. Marlo se diens het baie beteken, hy het ons self aanwysings gegee oor 'n ongeluk op die pad daarheen. Die ligging van die huis is werklik uitsonderlik en vir ons, vreemdelinge op Yzerfontein, was die dophou van die see 'n belewenis. Die uitleg van die huis het dit maklik gemaak vir baba's wat moes slaap en huismense wat om die langtafel gekuier het. Wenke: Die inhoud van die breekware-kas was egter teleurstellend met al die getjipte bekers en "ou" huisware. 'n Paar mooi opskepbakke en -houers sal die gaste die idee gee dat die huiseienaar sy gaste vertrou en waardeer. Ook die kussings kan vernuwe word. Sien asb. ook dat die stort in die linkerkantste slaapkamer oneffektief is. Baie dankie. See-wende Hemel sien ons weer.

Hemels inderdaad. Die huis is perfek geleë, loopafstand van die strand af, met die mooiste uitsig in alle rigtings. Die kamers was beautiful, skoon en netjies. Die agterste kamer was nog in wording en het na verf en sterk parafien geruik, maar met die deure toe het dit nie gepla nie. Die leefarea en stoep is fantasties en die leeshoekie perfek.

Wow! Sal beslis weer See- wende Hemel weer besoek. Ons het alle aspekte geniet. Baie netjies, alles wat mens nodig het.

Netjiese, ruim huis met 180°-see-uitsig. Baie geniet. Die ligging is fantasties. Ons het die verblyf baie geniet. Die ingang na huis is effe ongemaklik steil. Groterige motor of SUV sal sukkel om in motorhuis te parkeer.

Baie goed geleë met 'n uitstekende see-uitsig. Het dit baie geniet. Het al die nodige items gehad en het veilige gevoel. Baie naby aan die strand om lekker te stap.