Felicitas Gasteplaas

Selfsorg

Kapasiteit: 9 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: Felicitas-plaas, Reddersburg, 9904, Vrystaat
Vanaf R2 000 per nag (plek vir 9)

Beskrywing

Felicitas Gasteplaas is op die N6 roete na Oos-Londen, 50 km vanaf Bloemfontein, geleë. Die verblyf is in 'n historiese ou plaasopstal wat in 1918 gebou is en dit bied slaapplek aan 9 gaste.

Die selfsorghuis beskik oor 3 slaapkamers. Elke slaapkamer het 'n dubbelbed en 'n enkelbed. Gaste het toegang tot 1 badkamer met stort- en badgeriewe. Alle linne en handdoeke word voorsien.

Die kombuis is met 'n yskas-vrieskas, stoof, oond, mikrogolf, basiese eetgerei en breekware, asook tee- en koffiemaakgeriewe. Daar is 2 eetareas en 'n sitarea met gemaklike sitplekke en 'n TV met die volle DStv-pakket en Netflix. Gratis WiFi is beskikbaar. Die kaggel is perfek vir koue wintersaande.

Die huis met sy ou stoep bied 'n ontspanne atmosfeer waar jy rustig jou oggend se koppie koffie kan geniet. Daar is ook 'n lapa met 'n kombuis wat met 'n yskas-vrieskas, stoof, oond, sitplek, gemaklike rusbanke en 'n pooltafel toegerus is.

Ontsnap die stadsgewoel en geniet die heerlike prag en stilte van die mooie Suid-Vrystaat. Hier kan gaste gaan stap, die sonsopkoms of sonsondergang bewonder, hul fiets en motorfiets bring en die fietsry- en motorfietsrybaan geniet, piekniek hou in die berg of net kuier om 'n vuur by die swembad en onder die sterre.

Let asb. dat die eienaars in die huis in die hoofslaap kamer met ensuite badkamer woon.

Let asb. dat die eienaars saam met hul 5 honde op die perseel in die hoofhuis woon.

Kry ’n Kwotasie