Fin Whale Beach House

Selfsorg

Soos Gesien op Instagram
Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Fin Whale-weg 4, Klein Slangkop, Kommetjie, 7976, Wes-Kaap
Vanaf R6 600 per nag (plek vir 8)

Beskrywing

Fin Whale Beach House is 'n stylvolle strandhuis in Kommetjie, waar daar 'n rits restaurante, koffiewinkels, deli's en kroeë is. Fin Whale Beach House bied stylvolle eenvoud in 'n pragtige, gesinsvriendelike strandhuis, met alles wat gaste vir 'n ontspannende vakansie benodig. Dit is net 'n entjie se stap oor die duine na die wit sand van die beroemde Long Beach. Kom ervaar 'n skouspelagtige uitsig oor die see en op die berg. Die huis is op die luukse Klein Slangkop-sekuriteitslandgoed met 'n wonderlike vakansie-atmosfeer geleë.

Fin Whale Beach House het slaapplek vir 8 gaste en beskik oor 4 slaapkamers en 4 badkamers. Die eerste slaapkamer het 'n koninggrootte-bed en 'n en suite-oopplanbadkamer met 'n groot bad met 'n handstort, 'n stort, 'n toilet en dubbelwasbak. Die tweede en derde slaapkamer het elk 'n koningingrootte-bed en 'n en suite-badkamer met 'n stort, toilet en 'n wasbak. Die vierde slaapkamer het 2 enkelbeddens en 'n en suite-badkamer met 'n stort, toilet en 'n wasbak.

Die ruim oopplan-leefarea is smaakvol versier en beskik oor 'n sitarea met 'n TV en 'n pragtige kaggel, 'n eetarea met 'n etenstafel vir 8, en 'n ten volle toegeruste kombuis met moderne toerusting. Daar is ook 'n dagbed, 'n sonkamer met 'n gemaklike rusbank, 'n binnebraai en 'n etenstafel. Die leefarea lei na die swembad en kroeg buite.

Die vloei van binne na buite bied uitstekende geleenthede vir onthaal en die privaat ruimtes bied aan almal 'n plek om te ontspan.

Gaste kan oor die duin stap en 'n warm somersdag op die strand deurbring, die branderplankryers dophou of tydens die walvisseisoen hul oë vir walvisse oophou. Anders kan hulle langs die swembad ontspan, 'n lekker boek in die hangmat lees, 'n vleisie oor die kole gooi, en 'n skemerkelkie of goeie Kaapse wyn by die houtkroeg met stoeltjies drink.

Kry ’n Kwotasie