Beskrywing

Fishermans Cave is in Port St Johns, langs die Wildekus geleë. Hier vier die ongerepte natuur hoogty soos digbegroeide woude en diep klowe die wortelboom-moerasse en branders van die Indiese Oseaan ontmoet.

Hierdie selfsorg-eenheid beskik oor 2 slaapkamers en 1 badkamer met 'n stort, toilet en 1 wasbak. Elke slaapkamer het 'n stapelbed en 'n tripelstapelbed

Die leefarea beskik oor 'n sitarea en 'n kombuis. Dit het gemaklike sitplek en die kombuis is met 'n stoof, oond, 'n yskas-vrieskas, breekware en eetgerei toegerus. Daar is braaigeriewe buite die eenheid.

Die perseel is oorkant die strand waar gaste kan hengel. Besienswaardighede sluit die militêre basis van die voormalige Transkeise leër, die Wildekus Museum, Port St Johns se gholfklub, en die Cape Hermes en M'bashe-vuurtorings in. Daar is aktiwiteite, soos kanovaart, perdry, gholf, hengel, vierwielmotorfietsry en dolfyn- en walviskyk om te geniet. Diepseehengel, staptoere en uitstappies kan gereël word. Daar is ook uitdagende 4x4-roetes.

Die eenheid is troeteldiervriendelik en daar is 'n visvangwinkel op die perseel.