Beskrywing

Flamingo Park A2 is 'n tweeslaapkamerwoonstel op die grondvloer in 'n veiligheidskompleks in Langebaan op die Weskus en is net 100 m van die strandmeer af.

Hierdie woonstel is goed toegerus en het 'n sit- en eetkamer met 'n platskerm-TV met die volle DStv-pakket, onbeperkte WiFi en 'n volledig toegeruste kombuis met 'n stoof, oond, yskas-vrieskas en mikrogolfoond. Daar is 2 slaapkamers, een met 'n dubbelbed een die ander een met 'n enkelbed en 'n driekwartbed. Die 2 slaapkamers deel 'n badkamer met 'n stort, toilet en wasbak. Badhanddoeke word voorsien.

Daar is braaigeriewe, 2 gemeenskaplike swembaddens en veilige parkeerplek. Die kompleks is stapafstand van die winkels en restaurante. Die casino is 3 km se ry van hier af.