Flamingo Villas Boutique Hotel

Hotel

Kapasiteit: 46 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Kuvambo Nujoma-rylaan 30, Meersig, Walvisbaai, 0000, Erongo
Vanaf R3 422 per nag, vir 2 mense

Beskrywing

Flamingo Villas Boutique Hotel is op 'n gety-strandmeer in Walvisbaai geleë en word deur swerms flaminke omring. Dié boetiekhotel spog met van die mooiste uitsigte oor die strandmeer en sonsondergange oor die see met die flaminke in die voorgrond. Gaste word met 'n ontsagwekkende skouspel begroet wanneer hulle die natuurtoneel sien en die hotel betree.

Daar is 17 kamers waarvan 12 standaardkamers, 4 deluxe kamers met ongelooflike uitsigte, en 'n luukse suite met die beste uitsig en uiters luukse interieur.

Elke kamer het lugversorging, 'n TV, gratis WiFi, 'n kroegie, 'n kluis vir 'n skootrekenaar, koffie- en teemaakgeriewe en luukse toiletware. Ons voorsien ook sagte japonne waarin jy jouself knus kan toedraai na 'n dag van verkenning in Namibië.

Die Flamingo Bay Restaurant en Kroeg bied fynproewersdisse en beloof om die hoogtepunt van jou verblyf te wees! Die disse op die a-la-carte-spyskaart word deur 'n versameling voorste wyne in Suidelike Afrika gekomplementeer. Die kroeg maak selfs vir die mees oordeelkundige besoeker voorsiening met 'n puik versameling drankies, whiskeys en konjak, wat internasionale én plaaslike handelsmerke, asook tradisionele drankies, insluit.

Ontvangs kan uithelp met die bespreking van persoonlike pedikure en manikure vir gaste. 'n Lughawependeldiens en uitstappies na Swakopmund se inkopie-areas kan ook vooraf bespreek word.

Kry ’n Kwotasie