Fletchers Cove

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Fountains-singel, Shelley Point, St Helenabaai, 7382, Wes-Kaap
Vanaf R2 300 per nag (plek vir 8)

Beskrywing

Fletchers Cove is 'n dubbelverdiepinghuis wat ten volle toegerus is vir selfsorg en in die veilige landgoed van Shelley Point Country Club en Spa in St. Helenabaai geleë is. Dit is perfek vir 'n groep vriende of 'n gesin wat op soek is na gerieflike verblyf naby 'n verskeidenheid doendinge aan die Weskus.

Die huis het slaapplek vir 6 volwassenes en 2 kinders en beskik oor 3 ruim slaapkamers en 2 badkamers en daar's 'n slaapbank in die sitkamer. Die hoofslaapkamer het 'n koningingrootte-bed en die en suite-badkamer het 'n stort, terwyl die tweede en derde slaapkamer elkeen 'n dubbelbed het en hulle deel die tweede volledige badkamer. Die kombuisgeriewe sluit in 'n yskas-vrieskas, 'n mikrogolfoond, 'n wasmasjien, skottelgoedwasser, en oorgenoeg ingeboude kaste vir eetgerei, breekware en ander toebehore.

Die eetkamer- en sitkamerarea is oopplan en sluit 'n tafel met sitplek vir 6 mense in. Daar is ook rusbanke in die sitkamer, 'n kaggel en 'n TV met 'n DVD-speler en 'n DStv-koppelpunt, so jy kan gerug jou eie slimkaart en dekodeerder saambring. Fletchers Cove het ook 'n beskutte buitebraai-area en die omheinde tuin bied oorgenoeg plek vir die jongspan om te speel.

Daar is 'n dubbelmotorhuis vir voertuie, en die landgoed spog met 'n gholfbaan. Gaste kan net 2 minute stap tot by die beroemde Goue Myl-strand, en 'n entjie ry tot by talle ander aktiwiteite en besienswaardighede.

Kry ’n Kwotasie