Fluistering

Selfsorg

Gratis kansellasie tot 1 week voor jou verblyf!
Kapasiteit: 12 persone
Geen kinders onder 6
Inkloktyd: 14:00 tot 19:00
Uitkloktyd: 10:00
Adres: Ecklonia-straat 8, St. Helenabaai, 7390, Wes-Kaap
Vanaf R3 250 per nag (plek vir 12)

Beskrywing

Fluistering is 'n luukse strandfronthuis in St. Helenabaai met direkte toegang tot die strand en skeepshelling. Die gesinsvriendelike huis is perfek vir 'n wegbreek en spog met 'n omsetter wat ononderbroke kragtoevoer tydens kragonderbrekings verseker.

Die huis bied slaapplek aan 12 gaste en beskik oor 5 slaapkamers en 3 badkamers. Die hoofslaapkamer het 'n koningingrootte-bed en 'n en suite-badkamer met 'n bad, stort, wasbak en 'n toilet. Die tweede slaapkamer het 2 enkelbeddens en 'n en suite-badkamer met 'n stort, wasbak en 'n toilet. Die derde slaapkamer het 'n koningingrootte-bed, die vierde slaapkamer het 2 enkelbeddens en die vyfde slaapkamer het 'n stapelbed en 2 enkelbeddens. Die aparte badkamer het 'n bad, stort, wasbak en 'n toilet. Linne en handdoeke word voorsien.

Die kombuis is met 'n yskas-vrieskas, gasstoof, oond, mikrogolf, eetgerei, breekware en tee- en koffiemaakgeriewe toegerus en het 'n etenstafel met stoele. Daar is ook 'n aparte opwaskamer met 'n skottelgoedwasser, wasmasjien en 'n tuimeldroër. Die kombuis lei na die eetarea en die sitarea waar daar gemaklike rusbanke, 'n TV en 'n binnebraai is. Daar is ook 'n kuierkamer met 'n pooltafel en 'n veerpyltjiebord.

Veilige parkeerplek is op die perseel beskikbaar.

Kry ’n Kwotasie