Forest Hills Taaibos Cottage

Selfsorg

Soos Gesien op Instagram
Kapasiteit: 5 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Rheenendal-weg, Forest Hills, Knysna, 6570, Wes-Kaap
Vanaf R2 350 per nag, vir 5 mense

Beskrywing

Forest Hills Taaibos Cottage is in Knysna en dis die ideale plek vir paartjies, gesinne en natuurliefhebbers wat wil ontspan. Die selfsorgverblyf is in 'n privaat, inheemse tuin en die grasperk lei na 'n natuurlike woud.

Taaibos-kothuis is 'n historiese grasdakrondawel wat uit 3 rondawels bestaan. Die kothuis is privaat en gerieflik en beskik oor 2 slaapkamers en 1 badkamer. Die hoofslaapkamer het 'n koningingrootte-bed en die tweede slaapkamer het 2 enkelbeddens. Die aparte badkamer het 'n bad en stort.

Die oopplan-leefarea het 'n sitarea, eetarea en 'n kombuis wat met 'n yskas, oond, stoof, mikrogolf en tee- en koffiemaakgeriewe toegerus is. Die groot dek het braaigeriewe en 'n uitsig oor die inheemse woud en op die Outenikwaberge in die verte.

Daar is 'n swembad met 'n glyplank en 'n trampolien op die perseel. Paadjies lei vanaf die tuin na 'n kort sirkelroete om die eiendom, deur die woud en fynbos en verby 'n dam en 'n groot uitkykdek aan die rant van die woud. Gelukkige gaste mag dalk bosbokke, wildevarke, rooikatte, apies en bobbejane sien wat Forest Hills van tyd tot tyd besoek. Die Knysnaloerie word soms raakgesien soos hy verby die rant van die woud verbyvlieg en die visarend roep ook gereeld. Forest Hills is 'n voëlkykersparadys.

Die verblyf is 16 km vanaf Knysna en 20 km vanaf Buffelsbaai. Daar is verskeie dagvoetslaanroetes, bergfietsroetes en piekniekplekke langs die rivier in die woud. Buffelsbaai het 'n lekker swemstrand en 'n ongerepte kuslyn.

Kry ’n Kwotasie