Fossil Hills Lavender cottage

Selfsorg

Kapasiteit: 2 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Langverwagtenweg, Thornvilla Plaas, McGregor, 6708, Wes-Kaap
Vanaf R1 400 per nag (plek vir 2)

Beskrywing

Fossil Hills Lavender Cottage is op Thornvilla Plaas in die Breedevallei tussen Robertson en McGregor geleë. Hierdie wynplaas vorm deel van McGregor Winery. Druiwe, pruime, appelkose en verskeie groente word elke jaar geoes en daar was selfs fossiele op die plaas gevind wat na 355 miljoen jaar gelede terugdateer.

Dié kothuis het lugversorging en beskik oor 1 slaapkamer en 1 badkamer en bied slaapplek aan 2 gaste. Die slaapkamer het 'n dubbelbed en die badkamer het 'n stort. Die oopplan-leefarea beskik oor 'n eet- en sitarea met 'n TV met DStv en 'n kaggel. Die kombuis is met 'n yskas-vrieskas, tweeplaatstoof en 'n mikrogolfoond toegerus.

Daar is 'n onderdakstoep met buitesitplek en 'n ingeboude braai. Die kothuis het sy eie KolKol-houtvuurwarmbad en vuurmaakhout word voorsien. Daar is 2 bergfietse, 'n kajak en 'n boot met visstokke wat gaste kan gebruik.

Die area spog met vrugteboorde, olyfboorde en wingerde, asook aktiwiteite soos stap- en voetslaanroetes, bergfietsry, 4x4-roetes, voëlkyk in die Vrolijkheid Natuurreservaat. Die eienaars bied wynwandelings aan en gaste is welkom om navraag te doen vir meer inligting. Gaste kan ook die pottebakkery-ateljee, kunsgalerye en cob-house, of 'n ete by die plaaslike koffiewinkels, restaurante of kroeë geniet.

Kry ’n Kwotasie