Dit was fantasties. Wonderlike ontvangs van die eienaar. Vriendelike diens. Die plek is gerieflik en die plaasgevoel was ten volle daar. Ek gaan definitief terug om te ontspan.

A really nice private cottage in the most beautiful surroundings. See stars.

Beeldskone, rustige rusplek. Heerlik gebly. Baie gasvry en lekker.

Rustige Karoo wegbreek. Wat 'n goed toegeruste huisie in die Karoo veld! Ons was baie aangenaam verras met die kwaliteit en gemak van die verblyf. Die stilte en ooptes was 'n wonderlike ervaring. Ook ons twee Weimaraners het die groot omheinde erf vreeslik geniet en hulself elke dag moeg gespeel! Die puppy het vir die eerste keer skape gesien toe hulle die oggend langs die heining kom wei, sy het my met groot bekommernis kom wakker maak om die eienaardige goed te kom kyk. Die braai pakkies die eerste aand was uit die boonste rakke en hoogs aanbeveel!

Idilliese omgewing. Baie netjiese akkommodasie wat goed toegerus is. Minder goeie selfoon-ontvangs (maar dit tel vir my as 'n pluspunt).

Asemrowend mooi. Hartlike gasvryheid. Ons het geen verwysing gekry en toevallig bespreek op pad terug van die Kaap na Johannesburg met ons honde. Was aangenaam verras deur die plaas se pragtige natuur die vriendelike mense, ens. Die plonspoel was heerlik.

Skakel af in die Karoo Ons bly elke jaar by Freek's Cottage Farm en elke jaar is dit lafenis vir die siel. Alles is daar wat jy nodig het en mens kry jou battery herlaai en begin klaar afskakel as ek die grondpaadjie trek.

Baie gerieflik. Vreedsame stilte. Baie gasvrye ontvangs. Hierdie plekkie op die plaas, weg van die dorp en stad se geraas en gejaag, is kos vir die siel. Alles wat jy nodig het is daar. Ek wens ons kon langer bly. Sou graag bietjie in die omgewing in die veld wou gaan stap het, maar ons moes ongelukkig vroegoggend weer ry. Ons sal weer soontoe gaan.

Onvergeetlike Karoo-ervaring, veilig en privaat. Die gasvryheid van die eienaars is onvergeetlik. Die cottage was heerlik privaat met asemrowende uitsig op dam en berge rondom. Vir warm dae is daar 'n swembadjie om in te sit met 'n heerlike boom. Aande voor die buitevuur en luister na plaasgeluide. Binnekaggel indien dit reën. Aan alles is gedink in die cottage. As jy iets by huis vergeet het, is dit daar. Dorp is naby genoeg om gou iets te koop, maar ver genoeg vir 'n plaasatmosfeer. Pragtige perde en natuur met natuurgeluide. Ons het lekker gebly.

Lovely Farm Stay. The photos don't do Freek's justice. Yes it's rustic but it's charming and lovely and we had a wonderful stay. Paula was a helpful and kind hostess. Will definitely return when back in the area!