Beskrywing

Galashiels is 'n luukse selfsorgkothuis in die rustige en veilige Critchley Common, Dullstroom. Die landgoed spog met pragtige gemeenskaplike tuine, 'n bekoorlike eenddam met wit eende en 'n verskeidenheid wilde voëls.

Die huis het slaapplek vir 8 gaste en beskik oor 4 slaapkamers, 2 badkamers en 'n oopplan-kombuis en -eetarea. Daar is 2 slaapkamers met dubbelbeddens op die boonste verdieping. Gaste in hierdie kamers deel 'n badkamer met 'n bad, stort, wasbak en 'n toilet. Een van die slaapkamers op die onderste verdieping het 'n koninggrootte-bed en die ander het 'n dubbelbed. Gaste deel die tweede badkamer met 'n stort, bad, wasbak en 'n toilet.

Die kombuis is volledig toegerus vir selfsorg met 'n skottelgoedwasser, stoof, oond, yskas-vrieskas, 'n mikrogolf, breekware en eetgerei. Daar is ook 'n ontbyttoonbank met stoele. Die sitkamer het 'n gemaklike sitkamerstel, 'n kaggel en 'n platskerm-TV teen die muur. Die watertoevoer is vars boorgatwater. 'n Daaglikse skoonmaakdiens word verskaf.

Die leefarea lei na 'n lieflike stoep met 'n beskutte braai- en eetarea. Die buurt is veilig met hekke en afstandbeheertoegang sodat jy hou kar kan los en tot in die dorp se hoofstraat met sy winkels en restaurante kan stap - dit is net 'n blok van die kothuis af.