Garden on The Beach

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: North Beach-weg 30, 101 Sorgente, Umdloti, 4319, KwaZulu-Natal
Vanaf R6 350 per nag (plek vir 6)

Beskrywing

Garden on The Beach bied gerieflike selfsorgverblyf in 'n tuinwoonstel met 3 slaapkamers op Umdloti se strandfront. Dié woonstel is smaakvol versier, troeteldiervriendelik en bied 'n uitsig oor die Indiese Oseaan.

Die hoofslaapkamer het 'n see-uitsig, 'n ekstra lang koninggrootte-bed, asook 'n en suite-badkamer en daar is lugversorging en 'n plafonwaaier vir die warm somersdae. Die tweede slaapkamer het 'n koningingrootte-bed en die derde slaapkamer het 2 enkelbeddens. Albei dié slaapkamers het plafonwaaiers en deel 'n badkamer waarin daar bad- en stortgeriewe is.

Die oopplan-kombuis is met 'n yskas, oond, stoof, mikrogolf, wasmasjien en 'n skottelgoedwasser toegerus en daar is oorgenoeg ysbakkies, glasware en die nodige kookgerei.

Die sitarea het 'n TV met DStv-kanale en lei na 'n groot stoep met 'n ingeboude braai en 'n kroeg. Die stoep bied 'n uitsig oor die grasperk waar troeteldiere na hartelus kan speel en daar is ook 'n uitsig oor die see.

Gaste het toegang tot 2 parkeerplekke, 1 oop parkeerplek op die eenheid se drumpel en 1 onderdakparkeerplek met hysbaktoegang tot die eerste verdieping. Die woonstel word met 24 uur-sekuriteit beveilig.

Die verblyf het 'n kragopwekker vir die ligte, TV, WiFi, lugversorging, plafonwaaiers en 'n yskas. Ander toerusting met elemente werk nie tydens beurtkrag nie.

Umdloti spog met 'n lieflike swemstrand en 'n natuurlike getypoel met ervare lewensredders. Die woonstel is stapafstand van 'n restaurant, pizzeria en 'n koffiewinkel af en 'n kort entjie se stap neem jou tot by die promenade wat met 4 restaurante, nog 2 koffiewinkels, 'n deli, 'n Kwikspar en 2 drankwinkels spog.

Kry ’n Kwotasie