Gemini 196 @ Westwood Skye

Beskrywing

Gemini 196 @ Westwood Skye is 'n bekoorlike selfsorghuis wat saam met ander eenhede in Westwood Lodge, Durban, geleë is. Hierdie area is vir sy strande, skilderagtige roetes, verskeidenheid restaurante en ikoniese besienswaardighede, soos uShaka Marine World, Durban Botaniese Tuine en Umgeni River Bird Park, bekend.

Dié huis bied slaapplek aan 10 gaste en beskik oor 5 slaapkamers en 5 en suite-badkamers. Dit is ideaal vir 'n gesinswegbreek, sake reisigers en lang- en korttermynverblyf. Die hoof- en tweede slaapkamers het elk 'n koninggrootte-bed. Die derde, vierde en vyfde slaapkamers het elk 2 enkelbeddens. Die en suite-badkamers het elk 'n stort, wasbak en 'n toilet. Linne en handdoeke word voorsien.

Die oopplan-leefarea beskik oor 'n kombuis en 'n sitarea. Die kombuis is met 'n yskas-vrieskas, stoof, oond, mikrogolfoond, basiese eetgerei, breekware en koffie- en teemaakgeriewe toegerus. Dit lei na 'n eetarea wat verder na 'n sitarea lei wat gemaklike rusbanke en 'n TV met DStv het. Gratis WiFi is beskikbaar.

Dié eenheid het 'n privaat ingang en 'n braai-area. Geriewe op die perseel sluit veilige parkeerplek met 24 uur-sekuriteit, 'n gemeenskaplike swembad en 'n klubhuis in.