Glenview

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 22:00
Uitkloktyd: 12:00
Adres: Glen-rylaan 75, Zinkwazi Beach, 4480, KwaZulu-Natal
Vanaf R2 420 per nag (plek vir 8)

Beskrywing

Glenview is ’n dubbelverdieping-vakansiehuis in die klein dorpie Zinkwazi Beach. Die perseel is slegs ’n straat van die strand af.

Die huis bied ’n asemrowende see-uitsig en is binne maklike bereik vanaf die strand.

Dié ruim huis het 3 slaapkamers op die boonste verdieping, asook 2 badkamers en 'n groot stoep. Dit bied slaapplek aan 8 gaste. Die hoofslaapkamer het ’n koningingrootte-bed met ’n en suite-badkamer, die tweede kamer het ’n dubbel- en enkelbed en die derde kamer het ook ’n dubbel- en enkelbed.

Daar is 'n ruim leefarea op die onderste verdieping wat 'n sitarea met 'n TV met DStv en Netflix insluit. En daar is ’n eetarea asook ’n kombuis wat met 'n wasmasjien en skottelgoedwasser toegerus is. Daar is kluise op die boonste en onderste verdiepings en 'n gaste-toilet onder. Alle linne word voorsien, maar gaste moet asb. hul eie strand- en badhanddoeke saambring.

Die huis spog met 'n groot tuin met 'n swembad en braaigeriewe asook 'n dubbelmotorhuis.

Rugsteunkrag word deur 'n omsetterstelsel voorsien.

Daar is ’n mini-supermark in Zinkwazi vir enige basiese behoeftes en Ballito is 20 minute se ry van Zinkwazi af. Zinkwazi is ’n klein, ongerepte dorpie met ’n strandmeer vir visvang, bootritte en voëlkyk. Daar is gholfbane naby en gaste kan die wildparke besoek.

Troeteldiere word ongelukkig nie toegelaat nie.

Kry ’n Kwotasie