Go Country @ The Stix - Mulligan

Beskrywing

Go Country @ The Stix - Mulligan is 'n werkende plaas wat 12 km vanaf Dullstroom en slegs 4,5 km vanaf die bekende Highland Gate Gholfbaan geleë is. Dié gholfbaan is 'n indrukwekkende 18 putjie-kampioenskapgholfbaan wat deur Ernie Els ontwerp is.

Shona's Place is 1,2 km vanaf die ingang op 'n grondpad geleë. Dit is 'n oulike kothuis op die heuwel langs 'n woud met 'n asemrowende uitsig oor die plaas se damme en grasvelde. Die kothuis bied slaapplek aan 4 gaste en beskik oor 2 slaapkamers en 2 badkamers. Die hoofslaapkamer het 'n dubbelbed en 'n en suite-badkamer met 'n bad, wasbak en toilet. Die tweede slaapkamer het 2 enkelbeddens en 'n en suite-badkamer met 'n stort, wasbak en 'n toilet. Linne en handdoeke word voorsien.

Die oopplan-kombuis is met 'n yskas-vrieskas, stoof, oond, mikrogolfoond, basiese eetgerei, breekware en tee- en koffiemaakgeriewe toegerus. Die kombuis lei na 'n etenstafel met stoele en 'n sitarea met gemaklike rusbanke en 'n kaggel.

Die leefarea lei na 'n toegeboude stoep met buitemeubels en 'n ingeboude braai.

Aktiwiteite op die plaas sluit visvang in die 3 baarsdamme, stap- en bergfietsroetes deur die woud en grasvelde en 'n uitdagende voetslaanroete teen die berg op in. Veilige parkeerplek is op die perseel beskikbaar.