Golden View Luxury Self-Catering

Selfsorg

Weeksdagaanbod 20% af

Kry 20% af op enige bespreking wat nie 'n Vrydag- of Saterdagaand insluit nie. Geldig vir verblyf vanaf 5 Des 2024 tot 31 Des 2024.

Soos Gesien op Instagram
Kapasiteit: 14 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Besterstraat 235, Clarens, 9707, Vrystaat
Vanaf R1 500 per nag (plek vir 2)

Beskrywing

Golden View Luxury Self-Catering is in die pragtige dorp, Clarens, geleë en bied verblyf in 3 selfsorgeenhede. Dié eenhede is ideaal vir paartjies, groepe of 'n gesin wat die area besoek of op pad is na Lesotho.

Die Rustic Red-ateljeewoonstel is 'n moderne woonstel met unieke en eklektiese dekor. Dit is ideaal vir 'n paartjie wat luuksheid, ruimte en styl soek. Dié oopplan-ateljeewoonstel het 'n koningingrootte-bed, 'n groot hoekbad en 'n stort. Daar is ook 'n leefarea, eetarea en kombuis wat volledig toegerus is. Daar is 'n afskorting wat die woonstel meer privaat maak.

Die Contain the View-kothuis is 'n selfsorgeenheid met 2 stylvolle slaapkamers. Die hoofslaapkamer het 'n koninggrootte-bed en die tweede slaapkamer het 2 enkelbeddens. Daar is ook 'n oopplan-leefarea met 'n kaggel en 'n kombuisie. Gaste het ook toegang tot 'n unieke, privaat buitebad.

Die Willow Rest-huis is 'n ruim drieslaapkamerhuis wat ideaal is vir 'n groot gesin met kinders. Die hoofslaapkamer het 'n koningingrootte-bed en 2 enkelbeddens. Die ander 2 slaapkamers het albei koningingrootte-beddens. Daar is 2 badkamers, waarvan die een 'n bad en die ander 'n stort het. Verder is daar 'n eetkamer en 'n moderne kombuis. Die kombuis is met 'n skottelgoedwasser, groot yskas, mikrogolf en koffiemasjien toegerus. Buite is daar 'n boma-area, perfek vir onthaal.

Elke eenheid het 'n stoep met braaigeriewe. Veilige parkeerplek is ook beskikbaar.

Golden View Luxury Self-Catering is stapafstand vanaf die middedorp met oulike winkeltjies, kunsgalerye en restaurante. Gaste kan ook net ontspan en die pragtige 180°-uitsig op die Malutiberge bewonder.

Kry ’n Kwotasie

Dít is wat jy hier sal kry

Tee en koffie

Gratis, veilige parkeerplek

WiFi

Resensies

4.6/ 5

Gebaseer op 83 resensies

Uitstekend

Netheid

4.8

Ligging

4.4

Waarde vir geld

4.6

Diens

4.6

Veiligheid

4.4

Gaste se hoogtepunte

Jaco C

Saam met lewensmaat

5.0

Baie oulike plek. Baie oulike plek sal weer gaan.

Mei 2024

Gerda G

Saam met lewensmaat

5.0

Uitsig was spektakulêr. Die plek was mooi skoon en netjies, presies soos die foto wys. Die uitsig was spektakulêr. Jammer dat die plafon nie klankdig ...

Sien meer

Jan 2024

Hendrik D

Saam met lewensmaat

5.0

Fantasties. Eenheid is baie goed ingerig en is keer op keer verras. Voorsiening was gemaak vir koue aande en die donkertye van beurtkrag.

Jul 2023

Pieter V

Saam met vriende

5.0

Gerieflik en rustig. Knus en lekker verblyf. Die kaggel maak dat voor vetrek lekker warm is en met load shedding was die kaggel ideaal vir Clarens in ...

Sien meer

Jun 2023

Reinette B

Gesin met klein kinders

5.0

Asemrowend. Ek sal graag elke oggend in so 'n vertrek met so 'n uitsig wil wakker word. bliss!

Mrt 2023

Sien al 83 resensies