Beskrywing

Dié woonstel is op die onderste verdieping van die eienaar se huis op die veilige Mossel Bay Golf Estate. Gaste het 'n aparte ingang en het toegang tot die landgoed se gemeenskaplike swembad, 18 putjie-gholfbaan, klubhuis, restaurant en die St. Blaze-staproete.

Dié woonstel bied slaapplek aan 2 gaste en beskik oor 1 slaapkamer, 1 badkamer, 'n kombuisie en 'n leefarea. Die slaapkamer het 'n dubbelbed, 'n rusbank, 2 stoele en 'n klerekas. Daar is ook 'n platskerm-TV. Die en suite-badkamer het 'n stort, toilet en wasbak.

Die kombuisie is met 'n yskas-vrieskas, 'n konveksie-oondjie met 'n tweeplaatstoof, 'n mikrogolfoond, elektriese braaipan, eetgerei, breekware en tee- en koffiemaakgeriewe toegerus. Daar is 'n klein etenstafel met stoele waar gaste hul maaltye saam kan geniet, asook 'n privaat stoep met meubels waar gaste kan ontspan. Veilige parkeerplek is op die perseel beskikbaar