Gordon's Guest House

Gastehuis

Kapasiteit: 2 persone
Geen kinders onder 4
Inkloktyd: 15:00 tot 19:00
Uitkloktyd: 10:00
Adres: Highfieldstraat 25, De Waterkant, Kaapstad, 8001, Wes-Kaap
Vanaf R1 400 per nag (plek vir 2)

Beskrywing

Gordon's Guest House is 'n smaakvol versierde gastehuis in die hartjie van die sonderlinge, historiese deel van Kaapstad, die De Waterkant-area. Dié area word 24 uur per dag gepatrolleer en dis veilig om tussen die restaurante, kroeë en nagklubs te loop. Die area is baie sentraal met oorgenoeg publieke vervoer, en dis slegs 10 minute se stap vanaf die V&A Waterfront en middestad.

Verblyf is beskikbaar in 'n dubbel-gastekamer met 'n ekstra lang dubbelbed en 'n en suite-badkamer met 'n termostatiese stort en verhitte handdoekrelings. Verder is daar 'n yskassie, tee- en koffiemaakgeriewe, 'n HD-TV en 'n AppleTV-konsole, asook vinnige WiFi.

Die gastehuis het 'n leefarea met 'n HD Slim-TV met 'n BluRay-speler, 5.1 kringklankstelsel, Netflix en YouTube.

Ontbyt is op versoek beskikbaar teen 'n addisionele koste. Braaigeriewe, hout en vuuraanstekers kan gereël word op versoek. Lughawependeldienste is ook beskikbaar teen 'n addisionele koste. Daar is veilige parkeerplek reg buite die gastehuis.

Kry ’n Kwotasie