Gowan Valley Guest Farm

B&B

Kapasiteit: 30 persone
Alle ouderdomme is welkom
Inkloktyd: 14:00 tot 18:00
Uitkloktyd: 11:00
Adres: Langs die R103, Lidgetton, Balgowan, 3275, KwaZulu-Natal
Vanaf R1 900 per nag, vir 2 mense

Beskrywing

Gowan Valley Guest Farm is in die hartjie van die Natalse Middellande, slegs 4 ½ ure se ry vanaf Johannesburg en 1 ½ uur vanaf Durban. Die verblyf is sentraal in die gewilde Midlands Meander-roete geleë, sowat 1,8 km vanaf die Orchards troulokaal en 2,5 km vanaf Michaelhouse Skool.

Ons bied verskeie verblyfopsies, elk met en suite-badkamers. Daar is 6 slaapkamers in die grasdakhuis, 2 kamers wat aan die Riverhuis geheg is, en 5 ruim kamers in die tuin. Altesaam is daar slaapplek vir 26 (asook 3 ekstra) gaste.

Ons het 2 sitkamers waar gaste kan ontspan en die grasdakhuis het 'n eerlikheidskroeg vir almal se genot. 'n Stewige plaasontbyt is ingesluit wat bestaan uit verskeie ontbytgrane, jogurt, seisoenale vrugte, koffie, tee en heerlike vrugtesap.

Op dié gasteplaas kan gaste na 'n goeie nagrus die Ngunibeeste dophou of op die plaas gaan stap. Gowan Valley bied die ideale verblyf aan trougaste, diegene wat die omgewing wil verken of die vars lug wil inasem, sowel as sakereisigers.

Daar is meer as genoeg doendinge in die omgewing soos gholf, bergfietsroetes en staproetes om net 'n paar te noem. Die Midlands Meander bied oorgenoeg geleentheid om te ontspan, die omgewing te verken en fynproewersdisse en die beste koffie te geniet.

Kry ’n Kwotasie