Grande Plaisir Apartment & Villa

Gerieflik en gemaklik, ten spyte van onweer.

Buitengewone wind en reënbuie in Franschhoek het gemaak dat ons naweek anders verloop het as beplan. Die kaggel, bad, wyn en ander versnaperinge wat deur Marlicia-hulle verskaf is was egter 'n wonderlike troos, en het gemaak dat ons steeds die twee dae baie geniet het. Die ononderbroke kragvoorsiening was 'n addisionele bonus. Ons was uiters tevrede met die verblyf en die diens.

Gemaklik en baie netjies.

Die foto's was 'n akkurate voorstelling van die akkommodasie. Die gasvrou was baie akkommoderend en die kamers baie gemaklik. Die huis is ruim en die kaggels verseker 'n lekker cosy atmosfeer!

Heerlik, spesiaal en pragtig.

Pragtige huisie met lieflike kaggel vir die winter en 'n swembad vir die somer. Huisie het lekker koekies, beskuit en 'n bottertjie in die yskas. Olyfolie, balsamiese asyn en lieflike aandag aan details bied 'n heerlike kuier-geleentheid. Baie dankie.

Your attention to detail made our stay so comfortable.

Absolutely fantastic, swimming pool and garden with all braai facilities.

Gerieflik, vriendelik, 5 ster.

Baie skoon en vriendelike diens.

Asemrowend, vriendelik en vol verrassings.

Die Kaap se gasvryheid en klein bederfies van wyn tot beskuit. Heerlike, warm kaggel en bederf met sjerrie. Vriendelike ontvangs en die mooiste uitsig. Dis 'n moet vir jou kuier in Franschoek.

Van die hoogste gehalte!

Alles was baie skoon en netjies. Die gasvrou het ons baie tuis laat voel! Sal baie graag weer daar wil oorbly, baie dankie!

Excellent.

Highly recommended to all.

Uitstekende, veilige en netjiese woning.

Die eienares, Marlicia, het ons vreindelik ontvang en selfs laataand was sy beskikbaar om ons te kom help. Die woning is in 'n veilige area gelëe en binne loopafstand van die restaurante en winkels. Die huis is toegerus met alles wat nodig is met genoeg beskuit, koffie, tee, en melk en het selfs 'n komplimentêre bottel wyn ontvang. Genoeg vuurmaakhout vir kaggel en braai. Sal vir seker weer hier kom bly.

Rustige, ruim gastehuis. Goed toegerus en netjies.

Die eienares het uit haar pad gegaan om ons te help.

Fantasties in Franschoek

10 uit 10! Marlicia was 'n uitstekende gasvrou wat ons laat welkom voel het met die intrapslag. Die eenheid is stylvol ingerig met alles en meer as wat mens kan nodig hê. Die spesiale aandag van esktra bederfies was opvallend en besonders. Sy het ons ook waardevolle inligting gegee oor wat om te doen en waar om te eet in Franschhoek. Ons sal Grande Plaisir definitief aanbeveel en kan nie wag om weer te kom kuier nie!

Baie lekker gekuier. Die eenheid is skoon en netjies.

Die gasvrou was baie vriendelik en hulpvaardig. Die eenheid is baie skoon en netjies. Ons het heerlik gekuier en kan Grande Plaisir aanbeveel met ’n geruste hart.

Stil, rustig, smaakvol en vriendelik.

Vriendelike ontvangs deur die gasvrou. Smaakvolle, netjiese wooneenheid. Stil woonbuurt waar mens veilig voel.

Heerlike verblyf met 'n tuin en atmosfeer wat geweldig ontspanne was.

Die foto's kom nie naby om die skoonheid van hierdie eiendom te wys nie. Ons was aangenaam verras met die ekstra's waaraan gedink was. Die gasvrou het dit werklik vir ons laat voel asof ons tuis is. Uitstekend geleë, uitstekende verblyf. Ek sal dit aanbeveel vir besigheid- sowel as vir vakansieverblyf.

Absolutely enjoyed our stay - the host is amazing and very helpful too.

I would definitely recommend this accommodation and we are definitely coming back in February.

Fantasties.

Smaakvolle, super netjiese cottage en 'n heerlike stoepie. Baie privaat. Ek sal hierdie akkommodasie beslis 'n 10 uit 10 gee.

Absolute bliss!

Marlicia was the most gracious host from the start to the end. Everything was perfectly prepared for our stay. And we where given valuable information about what to do en where to eat in Franschhoek which added to the quality of our experience.

Besonders.

Heerlike ervaring gewees. Smaakvolle dekor, ruimte vir groep mense, lekker hoekies in die tuin, gasvryheid, klein details wat spesiaal was. Ons sal weer kom.

Pragtige verblyf in die hartjie van Franschhoek!

Marlicia het ons baie welkom laat voel en is 'n fantastiese gasvrou! Die plek was baie netjies met al die nodige bykomstighede. Ons sal vir seker weer kom kuier!

A wonderful stay!

We thoroughly enjoyed our stay in the apartment and Franschhoek, so much to visit and discover!

Fantastiese woning!

Ek is baie beïndruk met Grande Plaisir. Marlicia het ons vriendelik verwelkom en ons verras met 'n lekker bottel wyn! Die woning is ruim, skoon, stylvol en baie goed toegerus. Julle sien ons verseker binnekort weer!

Baie goed geleë, skoon, mooi kamers en die bed was baie gemaklik.

Ons sal Grande Plaisir enige tyd aanbeveel!

Netjies en prakties.

Grande Plaisir is 'n heerlike knus blyplekkie en Marlicia, die gasvrou, se klein bederfies word baie waardeer. Definitief goeie waarde vir geld.

Wat 'n fonds!

Een van die beste verblyfplekke waar ons in 'n lang tyd gebly het. Marlicia se kommunikasie vooraf en die manier hoe sy ons ontvang en verwelkom het, getuig van professionaliteit. Ons was besonder beïndruk met die fasiliteite in die kothuis, asook die keurige en smaakvolle manier waarop dit ingerig is. Daar is werklik alles wat 'n mens mag nodig kry - en meer. Baie dankie, Marlicia, vir die botter, melk en groenvye in die yskas - en veral vir die bottel rooiwyn. Dit was 'n wenner!

Baie spasie, skoon, netjies en absoluut lieflik!

Ons kon nie vir beter vra nie. Die huis is stylvol, skoon en perfek gelëe. Merlicia se personal touch het als ekstra spesiaal gemaak.

Gerieflik, skoon en onverbeterlik.

Ons was aangenaam verras deur die ligging en netheid van die villa. Alles was daar wat jy nodig gehad het. Beddens perfek en die kaggel was 'n wenner. Beveel beslis aan vir die persone wat die beter dinge in die lewe geniet.

Fantasties.

Ek is baie beïndruk met Marlicia van Grande Plaisir, die mees vriendelike en gawe mensie. Die eenheid self is absoluut, asemrowend, pragtig en baie netjies. Ons het onmiddellik tuis gevoel en kon heerlik ontspan. Ons sal definitief weer kom oorbly en het Grande Plaisir al klaar aan vriende aanbeveel.

Baie netjies en gerieflik geleë.

Baie lekker gebly. Die plek is skoon, netjies, goed geleë en veilig.

Baie gerieflike verblyf.

Die gasvrou is uiters behulpsaam en die dame wat die plek skoonmaak is baie vriendelik en bereid om te help! Ons sal die verblyf aanbeveel en sal definitief weer soontoe gaan. Ons was so bederf!

Asemrowend, toeganklik, plesier.

Baie mooi plek wat deur baie vriendelike mense besit/bestuur word. Hulle laat jou sommer dadelik tuis voel. Die eenheid was tien teen een onlangs gebou/restoureer, en is in top toestand. Baie mooi, en luuks. Jy kry tot beskuit, sjerrie en 'n bottel rooiwyn gratis met jou aankoms! Alles baie lekker!

Grande Plaisir het regtig al ons verwagtinge oortref, van die massiewe groot, luukse, skoon en netjiese kamers tot die kaggeltjie wat ons warm gehou het.

Grande Plaisir is splinternuut en daar was baie moeite gedoen om die plek mooi en funksioneel te maak. Die verblyf is van hoogstaande gehalte. Alles is netjies en die plek is goed uiteengesit. Die kamers en badkamers is massief groot, luuks, skoon en netjies en is deur die loop van ons verblyf so gehou. Die kombuis het alles wat mens nodig het en meer. Die woonkamer het 'n kaggeltjie wat die plek warm en gesellig maak. Daar is ook 'n lekker braai-area met swembad buite. Die mense is ook baie vriendelik en hulpvaardig. Ons sal definitief weer terugkom vir nog! Kan nie wag nie!

Heerlik rustig by 'n pragtige plek!

Marlicia bederf mens behoorlik met wyn, beskuit, koekies, sjerrie en vrugte in die kamer. Baie spesiaal en persoonlik. Pragtige uitsigte op Franschhoekberge.