Granite Forest Chalet

Selfsorg

Kapasiteit: 2 persone
Geen kinders
Inkloktyd: 16:00 tot 19:00
Uitkloktyd: 11:00
Adres: Nthombeni-weg 3, Noordhoek, Kaapstad, 7979, Wes-Kaap
Vanaf R3 575 per nag (plek vir 2)

Beskrywing

Granite Forest Chalet bied gerieflike selfsorgverblyf in 'n rustige woud op 'n kleinhoewe in Noordhoek. Dit is naby verskeie besienswaardighede en is ideaal vir gaste wat op soek is na 'n rustige wegbreek.

Dié eenslaapkamer-chalet bied slaapplek aan 2 gaste. Die ruim slaapkamer op die boonste verdieping het 'n koningingrootte-bed en 'n losstaande klipbad, vanwaar gaste die sonsondergange oor Chapmanspiek kan besigtig. Die kamer het 'n gemaklike leerbank, 'n TV met Netflix en 'n lessenaar. Die kamer lei na 'n balkon met sitplek en bied 'n uitsig oor die boomtoppe en op die berge. Gehaltelinne en handdoeke word voorsien, en daar is stoorplek onder die bed. WiFi is beskikbaar.

Die grondverdieping met granietteëls beskik oor 'n oopplan-kombuis, -eetarea, stylvolle kantoor en 'n badkamer. Die kombuis is met 'n yskas-vrieskas, gasstoof, oond, mikrogolf, skottelgoedwasser en 'n wasmasjien toegerus, en gaste kan hul maaltye by die etenstafel geniet. Die kombuis lei na 'n kantoor met 'n werkstasie en 'n seleksie boeke. Die ruim badkamer het 'n instapstort, en gaste het ook toegang tot 'n buitestort.

Die chalet spog met 'n houtdek in die tuin met 'n eetplek en braaigeriewe.

Kry ’n Kwotasie