Greeff Cottages

Selfsorg

Gratis kansellasie tot 1 week voor jou verblyf!
Kapasiteit: 8 persone
Alle ouderdomme is welkom
Inkloktyd: 15:00 tot 18:00
Uitkloktyd: 10:00
Adres: Guinessville Plaas, Rooiheuwel, 8 km vanaf Oudtshoorn, 6620, Wes-Kaap
Vanaf R800 per nag, vir 2 mense

Beskrywing

Greeff Cottage beskik oor 2 selfsorgkothuise op 'n volstruisplaas. Dit is net 8 km van Oudtshoorn af en die uitsig op die Swartberge is asemrowend.

Greeff Cottage het slaapplek vir 8 gaste in 2 aparte eenhede. Die groot gesinskothuis (Benmonca) bied slaapplek aan 5 gaste in 2 slaapkamers en daar is 2 badkamers en 'n oopplan-kombuis en -woonkamer, asook 'n speelkamer. Die hoofslaapkamer het 'n koningingrootte-bed en 'n volledige en suite-badkamer. Die tweede slaapkamer het 'n dubbelbed en 'n driekwartbed. Daar is 'n stort, wasbak, en toilet in die tweede badkamer. Handdoeke word voorsien en daar is plafonwaaiers.

Die kombuis is goed toegerus vir selfsorg met alles wat jy benodig. Ekstra vrieskasruimte is beskikbaar op versoek. Die leefarea het lugversorging, 'n binnebraai, eetkamertafel, 'n TV met Netflix en 'n DVD-speler. Daar is 'n versameling kinder-DVD's, asook gratis WiFi.

Die kothuis is kindervriendelik en kinders van alle ouderdomme is welkom. Daar is speelgoed en boeke vir kinders en babas in die speelkamer. 'n Babastoel en badstoeltjie is beskikbaar op versoek. Daar is ook 'n waskamer met was- en strykgeriewe en 'n wasmasjien.

Die tweede, kleiner eenheid (Lentelus) het 1 slaapkamer met 'n dubbelbed en 'n en suite-badkamer met 'n stort, wasbak en 'n toilet. Daar is 'n oopplanleefarea met 'n kombuisie, etenstafel en 'n kaggel, sowel as 'n enkelbed vir 'n derde gas en lugversorging. Die slaapkamer het 'n plafonwaaier. Geen kinders onder 2 jaar word in hierdie eenheid toegelaat nie.

Buite die kothuise is daar 'n braai-area waar gaste lekker kan ontspan en die plaasatmosfeer kan geniet terwyl hulle braai. Op versoek kan gaste ook van ons braailapa gebruik maak.

Daar is oorgenoeg ruimte vir kinders om te speel, hardloop en fiets te ry. Genoeg parkeerplek is beskikbaar. Ons is egter ongelukkig nie troeteldier- of rolstoelvriendelik nie. Rook en vaping word nie in die kothuis toegelaat nie.

Die omgewing is veral gewild onder fietsryers en daar is heelwat voetslaanpaaie op die plaas en in die omgewing. Onthou om jou fiets saam te bring. Die Klein-Karoo se natuurskoon lok talle fotograwe.

Kry ’n Kwotasie

Dít is wat jy hier sal kry

Tee en koffie

Gratis, veilige parkeerplek

WiFi

Resensies

4.9/ 5

Gebaseer op 155 resensies

Uitstekend

Netheid

4.9

Ligging

4.8

Waarde vir geld

4.9

Diens

5.0

Veiligheid

4.9

Gaste se hoogtepunte

Paul P

Saam met lewensmaat

5.0

Rustig. Ons het vir seker heerlik in hierdie rustige plaasomgewing gekuier. Vriendelike gasheer en -vrou. Die vertrekke is ruim met alles wat jy nodig...

Sien meer

Okt 2024

Delia A

Gesin met klein kinders

5.0

Beste wegbreuk nog! Een van die lekkerste plekke wat ons nog besoek het! My 3-jarige het die groot speelkamer en baba volstruise vreeslik baie geniet....

Sien meer

Sep 2024

Jo-ann C

5.0

Ruim en rustig. Ek het Oudtshoorn kom besoek vir die Klein Karoo Klassique. Elzette het my met aankoms ontmoet en het my met so veel vriendelikheid ve...

Sien meer

Aug 2024

Craig W

Saam met vriende

5.0

Asemrowend. Ons is van Montagu en was ons eerste keer in Oudtshoorn. Ons verblyf by Greef Cottages was baie aangenaam, dit was net te kort. Sal beslis...

Sien meer

Jul 2024

Annelou V

Gesin met klein kinders

5.0

Gesin wegbreek met ons 4-jarige. Baie lekker gekuier op die volstruisplaas met baie speelplek binne en buite.

Jul 2024

Sien al 155 resensies