Green Olive Guesthouse

Gastehuis

Kapasiteit: 21 persone
Alle ouderdomme is welkom
Inkloktyd: 14:00 tot 15:00
Uitkloktyd: 11:00
Adres: Bonnievale-pad R317, Robertson, 6705, Wes-Kaap
Vanaf R1 750 per nag (plek vir 2)
TGCSA-gradering:

Beskrywing

Green Olive Guesthouse is op die historiese 3,5 hektaar Goedemoed Plaas, tussen die rose en wingerde met 'n pragtige uitsig op die Langeberge geleë. Die skilderagtige Robertson-vallei is bekend vir sy wêreldklas wyn, asook bekroonde olyfolies en buitelugdoendinge. Die plaas is gerieflik op die R317, halfpad tussen Springfield-wynlandgoed en die Van Loveren-wingerde, langs Bon Courage Wynlandgoed geleë.

Daar is verblyf in ruim en suite-slaapkamers en gesellige gesinseenhede. Die kamers in die hoofhuis het elk 'n aparte ingang vanaf 'n groot onderdakstoep. Daar is 'n gemeenskaplike braai-area in die skadu van die privaat roostuin met 'n pragtige uitsig. Veilige parkeerplek is beskikbaar. Die 3 kothuise oorkant die hoofhuis, het elk 'n aparte ingang en is ideaal vir gesinne. Al 3 kothuise het privaat braaigeriewe, WiFi, 'n yskas, verwarmer, en tee- en koffiemaakgeriewe. Vuurmaakhout en 'n braairooster word voorsien.

Die gastehuis het 24 uur-sekuriteit, 'n kapel, gemeenskaplike eetkamer, swembad en 'n kroeg. Doendinge in die omgewing sluit stap, gholfspeel, wynproe, perdry, kanovaart, en 'n bootrit op 'n wynplaas in.

Kry ’n Kwotasie