Greenhill Farm

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: N2, Plaas 230, 14 km vanaf Plettenbergbaai, 6600, Wes-Kaap
Vanaf R7 500 per nag (plek vir 8)

Beskrywing

Greenhill Farm is slegs 14 km vanaf Plettenbergbaai op 17 hektaar se golwende groen heuwels en natuurlike woud geleë. Dit spog met pragtige uitsigte oor die see en Robberg-skiereiland en is die ideale plek vir 'n gesinsvakansie of 'n wegbreek saam met vriende.

Die Herehuis is in 'n klassieke styl ontwerp en bied slaapplek aan 8 gaste. Dit beskik oor 4 slaapkamers en 3 badkamers, sowel as 'n gastetoilet. Die ruim hoofsuite het 'n koninggrootte-bed, 'n kaggel en 'n sitarea. Die en suite-badkamer het 'n stort, bad, dubbelwasbakeenheid en 'n toilet. Die tweede slaapkamer het ook 'n koninggrootte-bed en die en suite-badkamer het 'n bad. Die derde en vierde slaapkamers het elk 2 enkelbeddens en maak van die derde badkamer met 'n bad en 'n stort gebruik. Alle linne en handdoeke word voorsien.

Die groot leefarea het 'n aparte kombuis wat met 'n gasstoof, elektriese oond, mikrogolf, yskas-vrieskas, skottelgoedwasser, eetgerei en breekware toegerus is. Daar is ook 'n sentrale etenstafel. Gaste kan in die knus TV-kamer met 'n kaggel, gemaklike sitplek en 'n TV met die volle DStv-pakket ontspan. 'n Formele sitarea, sowel as 'n formele eetkamer, is beskikbaar met oorgenoeg sitplek. Vir diegene wat van die huis af moet werk, is daar ook 'n kantoorspasie en WiFi is beskikbaar.

Die huis het 'n binnebraai-area met nog 'n kaggel en 'n pooltafel. Buite die huis is daar 'n groot stoep met buitemeubels, 'n swembad en sonstoele. Hiér kan gaste sonbaai en 'n skemerkelkie geniet.

Die Parklands Cottage het 'n koninggrootte-bed en 'n en suite-badkamer met 'n bad en stort. Die tweede skaapkamer het 'n uitsig oor die tuin, 2 enkelbeddens en 'n en suite-badkamer met 'n instapstort. Die sitarea het 'n kaggel en 'n uitsig oor die see. Die kombuis is met 'n gaskookplaat, oond, yskas-vrieskas, skottelgoedwasser, menger, mikrogolf, ketel en broodrooster toegerus.

Die Kaaps-Hollandse Kothuis het 'n koninggrootte-bed en 'n en suite-badkamer met 'n bad, stort en toilet. Die kombuis is met 'n yskas, mikrogolf, stoof, oond en tee- en koffiemaakgeriewe toegerus. Daar is 'n TV met sekere DStv-kanale in die sitarea met gemaklike sitplek. Die leefarea lei na 'n privaat tuin met 'n uitsig oor die pragtige hooftuin.

Gaste het toegang tot die volle DStv-pakket. Gratis WiFi is ook beskikbaar. Die stoep het 'n ingeboude braai en 'n kuierarea met 'n uitsig oor die see en natuur. Die eenheid het ook 'n privaat ingang en parkeerplek.

Kry ’n Kwotasie