Beskrywing

Greenwich Villa is 'n selfsorgwoonstel vir 2 volwassenes en 2 kinders onder die ouderdom van 12 in Port St. Francisbaai.

Die oopplan-woonstel op die grondvloer is in 'n sekuriteitskompleks geleë en beskik oor 1 slaapkamer, 1 badkamer, 'n kombuis en sitkamer. Die slaapkamer is ingerig met 'n dubbelbed, en 'n dagbed met 'n tweede uittrekbed is beskikbaar vir 2 kinders in die sitkamer. Die woonstel het 'n privaat badkamer met 'n bad. Gerieflikheidshalwe word beddegoed voorsien en gaste moet asseblief hul eie handdoeke saambring.

Die oopplan-kombuis is toegerus met 'n stoof en oond, 'n mikrogolfoond, 'n yskas, asook tee- en koffiemaakgeriewe. Gaste kan ontspan in die sitkamer wat toegerus is met 'n TV met DStv en Netflix.

Die leefarea maak oop op 'n onderdakstoep met 'n ingeboude braai-area.

Greenwich Villa is naby die swembad geleë, en die kompleks het direkte toegang tot die privaat strand en getypoel vir swem en snorkel. Die kompleks het ook 24 uur-sekuriteit met toegangsbeheer.

St Francisbaai bied 'n verskeidenheid doendinge soos bootry, swem, branderplankry, die dolfyne en walvisse kyk, gholfspeel by die St Francisbaai-gholfklub, of om een van die voetslaanroetes in die area te verken. Gaste kan ook Cape St Francis-vuurtoring en die Irma Booysen Flora-reservaat besoek om die plaaslike fynbos te besigtig.