Greyt House Self-catering

Selfsorg

Spesiale Aanbod 20% af

Kry 20% af (minimum twee nagte se verblyf). Geldig vir verblyf vanaf 6 Aug 2024 tot 30 Sep 2024.

Gratis kansellasie tot 24 uur voor jou verblyf!
Kapasiteit: 6 persone
Alle ouderdomme is welkom
Inkloktyd: 14:00 tot 23:00
Uitkloktyd: 10:00
Adres: Kerkstraat 6, Greyton, 7233, Wes-Kaap
Vanaf ~~R2 400~~ R1 920 per nag (plek vir 6)

Beskrywing

Greyt House bied selfsorgverblyf in die hartjie van Greyton, in 'n beeldskone, stil en rustige omgewing, binne maklike bereik van al die plaaslike koffiewinkels, restaurante en supermarkte. Onbeperkte WiFi is beskikbaar. Hierdie ouwêreldse huis het ’n stoep wat rondom die huis strek en ’n uitsig bied oor die dorpsplein waar daar ’n markie is.

Ons bied gerieflike slaapplek vir 6 gaste, alhoewel ons 2 ekstra gaste kan akkommodeer op versoek teen 'n ekstra koste per persoon per nag. Die huis beskik oor 3 slaapkamers, 2 badkamers, 'n kombuis, 'n eetkamer, 'n leefarea en 'n stoep wat reg rondom die huis strek. Die eerste slaapkamer beskik oor 'n dubbelbed en 'n en suite-badkamer met 'n stort. Die tweede slaapkamer het 'n dubbelbed en die derde slaapkamer het 2 enkelbeddens. Hierdie 2 kamers deel 'n tweede gesinsbadkamer. Ekstra beddens kan voorsien word vir 2 ekstra gaste teen 'n addisionele fooi.

Die kombuis is goed toegerus vir selfsorg. Die eetkamer bevat 'n eetkamertafel met stoele en sitplek vir 8. Daar is braaigeriewe beskikbaar. In die sonnige, beskutte stoep is 'n Jetmaster. Die uitsig van die veranda af is manjifiek en die oop areas en grasperk onder die bome is ideaal vir kinders. Goed gemanierde troeteldiere is welkom.

Die gereelde markie op Saterdae is 'n móét vir enige besoeker. Vars plaaslike produkte, tuisgemaakte lekkernye en verruklike kunsvlyt wat in die dorpie gemaak word is daar te koop. Moet ook nie verbaas wees as jy koeie, perde en donkies verby sien dwaal in die lowerryke strate van die dorpie nie.

Kry ’n Kwotasie