Perfek, kon nie vir beter gevra het nie. Ongelooflike, groot ruim plekkie op 'n koppie net buite die dorp op 'n plaas. Donker aangekom, vroeg gery en gewens ons kon langer bly.

Pragtige skoon en ruim eenheid. Wonderlike gasvrou. Die eenheid is ruim en silwerskoon gewees. Alles wat ons benodig het was daar. Die omgewing was vir ons 2 'n bonus. Heerlik stil. 'n Wegkom kans uit ons bedrywige leefstyl. Ons grootste dank aan die hondekinders wat ons naweek fantasties gemaak het. Jul sal ons beslis weer sien.

Het heerlik afgekoel in die pragtige swembad met die mooiste tuin. Fantasties! Dit was ongelooflik lekker. Stilte en vrede!

Baie rustig en ontspannend. Ons is persoonlik deur Sylvia en Johan ontvang met aankoms. Aanwysings na die gastehuis is ook op WhatsApp aan ons gestuur. Ons het geen probleem ondervind om die plek te kry nie. Sylvia het ons gereeld gekontak om seker te maak dat alles vlot verloop. Sal enige tyd weer by Guardia te Vrede bespreek. Die plek word ten sterkste aanbeveel vir 'n rustige wegbreek.

Dit was ongelooflik rustig in die omgewing. Om so in die bos te ontspan/oornag, was hemels. Gasvrou was altyd beskikbaar, behulpsaam en vriendelik.

Naweek daar oorgeslaap tydens my ma se siekte. Guardian te Vrede was ʼn huisie weg van die huis af. Pragtige, netjiese verblyf. Ons het heerlik gekuier by die oulikste mense, hondekinders en nagapies ingesluit. Sal hulle enige tyd met liefde aanbeveel.

Fantasties! Ongelooflik! Puik! Was 'n kort kuier, maar nog nooit so tuis welkom gevoel nie! Die verwelkoming was ongelooflik, sommer dadelik tuis gevoel. Diens puik, netheid en gerief absoluut puik! Baie veilig gevoel. Uitsig is pragtig! Sal beslis aanbeveel. Sal enige tyd weer besoek aflê.

Perfek. Wonderlike gashere, perfekte diens en puik akkommodasie!

Ongelooflik lekker gebly, diens was uitstekkend en baie gasvry. Plekkie is pragtig, skoon en so netjies, so 'n rustige atmosfeer. Die eenheid is so volledig ingerig, enige iets wat mens kan aan dink en nog meer is daar, van inkleurboeke en spelletjies vir die kinders tot houtskool vir vleisbraa, baie indrukwekkend. lanklaas by 'n plek gebly waar dit so perfek en volledig ingerig was. Hulle stap verseker die ekstra myl. Sal Guardain te Vrede verseker vir enige iemand aanbeveel, ondersteun hulle gerus.

Dit is 'n plek om te rus en vrede te beleef. Baie netjies, gasvry en rustige omgewing.