Beskrywing

Guinea Vine bied oornagverblyf in 'n rustige woonbuurt in Stellenbosch. Dié dorp is in die hartjie van die Kaapse Wynlande geleë en spog met meer as 'n 100 wynlande en natuurlike en kulturele besienswaardighede.

Die verblyf is in 'n smaakvol versierde, oopplan-eenheid met 'n privaat ingang wat op die eienaars se perseel geleë is. Daar is 'n koninggrootte-bed wat op versoek in 2 enkelbeddens omskep kan word, en 'n en suite-badkamer met 'n stort.

Die kombuis het 'n yskas, vrieskas, mikrogolfoond, broodrooster, ketel en 'n Nespresso-koffiemasjien. Daar is ook 'n eetkamertafel met sitplek vir 2 gaste en parkeerplek.

Gaste kan verskeie doendinge in die omgewing geniet soos heerlike maaltye by verskeie restaurante in Stellenbosch, wynproe by die omliggende wynplase, verskeie museums besoek of uitry na die naaste dorpe soos die Strand en Gordonsbaai.