Guinea-fowl Guest House

Gastehuis

Gratis kansellasie tot 1 week voor jou verblyf!
Kapasiteit: 14 persone
Alle ouderdomme is welkom
Inkloktyd: 14:00 tot 22:00
Uitkloktyd: 09:00
Adres: Stockenstroomstraat 44, Colesberg, Colesberg, 9795, Noord-Kaap
Vanaf R620 per nag, vir 2 mense

Beskrywing

Guinea-fowl Guest House word omring deur granietrotse en 'n groot sprokiestuin aan die verste ent van 'n baie stil doodloopstraat, ver van die rep en roer van die hoofstraat af.

Die 4 ruim slaapkamers het elkeen 'n privaat ingang en en-suite badkamer. 2 Kamers het elkeen slaapplek vir 4 gaste 2 kamers het elkeen slaapplek vir 3 gaste. Geriewe sluit die koffie- en teemaakgeriewe, yskassies, elektriese komberse, dakwaaiers en veilige parkeerplek op die perseel reg voor elke kamer in. Gaste kan TV kyk in die gastehuis se TV-kamer. Engelse en Kontinentale ontbyte word elke dag op versoek in die eetkamer bedien. Alhoewel die gastehuis nie selfsorggeriewe het nie, is daar 'n klein aparte kombuisie met 'n mikrogolfoond en toebehore waar gaste ligte etes kan voorberei. Daar is oorgenoeg gesellige plekkies in die tuin tussen die rotse waar gaste kan ontspan na 'n lang dag op die pad. Daar is braaigeriewe in die tuin, sowel as 'n onderdakbraai-area aan die oewer van die spruit.

Die gastehuis is op die oewer van Colesbergspruit geleë. Om hierdie rede en omdat die tuin so 'n lushof is, is dit 'n voëlkykparadys. Daar is 4 uitstekende restaurante net 'n kort entjie se stap van Guinea-fowl af en gaste kan gerus daar gaan aansit vir 'n heerlike middag- of aandete.

Kry ’n Kwotasie