Beskrywing

Hadeda Roost bied gerieflike selfsorgverblyf in ’n dubbeverdiepingkothuis op ’n heuwel in Leisure Crest. Die kothuis is op ’n residensiële perseel. Dis slegs 1,7 km vanaf Leisure Bay se strand en 600 m vanaf Glenmore Beach.

Dié knus kothuis se boonste verdieping het 2 slaapkamers met dubbelbeddens en ’n kleiner kamer met 2 enkelbeddens. Daar is 1 badkamer met ’n stort en toilet wat die 3 slaapkamers deel. Die hoofslaapkamer lei na ’n onderdakbalkon met ’n uitsig oor die swembad en tuin wat goed onderhou word.

Die onderste verdieping het nog ’n slaapkamer met 2 enkelbeddens, ’n badkamer met ’n stort en toilet en ’n goed toegeruste kombuis met ’n oopplan-sitarea en -eetarea. Die eetarea het dubbeldeure wat na die swembad en oopplan-lapa lei. Gaste kan gedeeltelike see-uitsigte geniet. Daar is ook ’n ingeboude buitebraai en draagbare braaigeriewe.

Die perseel is omhein en alhoewel daar nie ’n motorhuis is nie, is daar ’n motorafdak met oorgenoeg parkeerplek vir 2 ekstra voertuie. Die huis het ’n alarmstelsel en laserstraalsekuriteit. Hadeda Roost is ideaal vir dié wat na ’n seevakansie smag.