Pragtige plekkie om oor te bly en as basis te gebruik vir 'n paar dae se blomme kyk. Baie mooi en netjiese plekkie reg langs die pad, nie te ver uit die dorp nie. Voertuig staan oop op 'n grondparkeerplek reg voor jou eenheid. Als wat nodig was, is in die eenheid. Baie stil, met 'n haan wat ons wakker gekraai het. Restaurant was al toe, toe was bietjie laat middag daar aangekom het.

Vriendelike ontvangs. Kamer was netjies en ons kon van hul kombuis en eetkamer gebruik maak.

Rustig veilig waarde vir geld. 'n veilige en lekker rustige plaasgevoel met goeie waarde vir geld.

Dit was lekker. Ons het lekker gebly. Die beddens was baie gemaklik en ons het lekker warm geslaap en gestort. Dit was spesiaal om elke oggend met die kraai van 'n haan of twee reg voor jou deur wakker te word. Sefoon ontvangs - zero. Daar was wel WiFi, maar die sein was baie swak. Ons het 'n lekker tuisgemaakte lamsdis geëet.

Stil en rustig. Die plek is genoegsaam vir oorslaap. Ons is onseker oor die funksionering van die restaurant.

Gasvryheid soos min met sagte bed in harde wêreld. Ons was baie laat by die gastehuis, ongeveer 23h30. Ons het aandete vroeër bestel, maar omdat sy nie koue kos vir ons wou aanbied nie, het Corrie daardie tyd van die aand aangebied om vir ons twee honger reisigers kos te gaan maak. Heerlike aandete met skaaptjops, vars chips, groente en slaai. Ons het soos VIP's gevoel. Die lugreeling was aan toe ons in die kamer kom, en ons was gewaarsku om agv die muskiete, nie die deur oop te los nie. Die bed was baie gemaklik en alles was kraaknet skoon. Omdat die gastehuis op 'n plaas is, baie naby die N12, het ek die veiligheid bietjie later ge-rate, want daar is nie veiligheidshekke nie. Omdat dit die Namakwaland is, waar daar nog ander tipe gasvry mense woon, het ek egter glad nie bedreig gevoel, of gevoel dat dit gevaarlik is nie. Corrie was so gasvry, en die omgewing van die plaas en koppies rondom die gastehuis so doragtig mooi. Dit is so anders mooi as dit wat ek ken dat dit alles net een groot voorreg en avontuur was om daar by haar te oornag. Onthou, dis 'n oornagfasiliteit, nie 'n vakansieoord nie, so jy stop daar om te slaap en moontlik aandete te geniet. Al is die restaurant nie meer oop nie, kan mens reël met Corrie vir ete, en haar kos is werklik heerlik. Moenie jul steur aan al die bitterbek resensies wat ander mense hier geskryf het nie. Hulle kyk deur 'n vuil bril na alles in die lewe en niks sal goed genoeg wees vir hulle nie. Die plek word heeltemal onverdiend swak terugvoer gegee. Ons het heerlik hier gebly, en sal weer hier bly as ons kan. Baie dankie Corrie.

Dit was heerlik om by Hananja vir 2 dae te bly. Mense was baie vriendelik. Hananja is baie naby Springbok geleë en gerieflik om uit te ry na die Nasionale Park en nabygeleë dorpe. Ons verblyf was heerlik en sal dit beslis aanbeveel vir ander blommekykers.

Die kamer is skoon en netjies. Maar - geen restaurant. Die naam en advertensie sugureer dat daar restaurantfasiliteite is, maar helaas dit is blykbaar nog in aanbou.

Dit was bitter koud en die bed se warmlaken was op, maar kon nie aangesit word nie - die plug was weg. Ietwat van 'n teleurstelling! Medegaste was rumoerig en onstigtelik! Hananja is gerieflik langs die pad geleë.