Harmonie 15

Selfsorg

Kapasiteit: 7 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Harmoniestraat 15, Stilbaai-Wes, Stilbaai, 6674, Wes-Kaap
Vanaf R2 800 per nag (plek vir 7)

Beskrywing

Harmonie 15 is in Stilbaai geleë en bied gehalteverblyf vir 'n gesin of groep vriende. Dit is binne maklike bereik van talle winkels, restaurante, die strand, doendinge en besienswaardighede.

Die verblyf bestaan uit die hoofhuis en 'n semi-losstaande woonstel. In die hoofhuis het die hoofslaapkamer 'n koninggrootte-bed en die tweede slaapkamer het 'n enkelbed en 'n stapelbed. Die badkamer het 'n stort, toilet en wasbak.

Die oopplan-kombuis is toegerus met 'n stoof, oond, yskas-vrieskas, mikrogolf, koffie- en teemaakgeriewe, breekware en eetgerei.

Die sitkamer het gemaklike rusbanke asook 'n TV en 'n eetarea met oorgenoeg sitplek waar gaste hul maaltye saam kan geniet.

Die woonstel beskik oor 'n slaapkamer met 'n dubbelbed en 'n en suite-badkamer met 'n stort, toilet en wasbak. Dit het ook 'n kombuis en sitarea.

Die huis het 'n groot onderdakstoep aan die voorkant, met groot skuifdeure wat na buite lei.

Daar is lieflike braaigeriewe beskikbaar vir gaste se gebruik tydens hul verblyf asook 'n groot grasperk waar kinders kan speel.

Gaste kry veilige parkeerplek op die perseel.

Die huis is net 700 m vanaf die naaste swemplek in die Goukourivier by die klein strandjie in Little England geleë. Die huis is ook baie goed geleë vir inkopies en slegs 5 min stapafstand vanaf die naaste koffiewinkels en restaurante.

Kry ’n Kwotasie