Harmonie 15

Selfsorg

Kapasiteit: 7 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Harmoniestraat 15, Stilbaai-Wes, Stilbaai, 6674, Wes-Kaap
Vanaf R4 000 per nag (plek vir 7)

Beskrywing

Harmonie 15 bied gehalteverblyf in Stilbaai vir 'n familie of groep vriende. Dit is naby verskeie winkels, restaurante, die strand, doendinge en besienswaardighede.

Die verblyf word in die hoofhuis en 'n semi-losstaande woonstel gebied. Die hoofhuis het 'n hoofslaapkamer met 'n koninggrootte-bed en die tweede slaapkamer het 'n enkelbed en 'n stapelbed. Die badkamer het 'n stort, toilet en 'n wasbak.

Die oopplan-kombuis is met 'n stoof, oond, yskas-vrieskas, mikrogolf, tee- en koffiemaakgeriewe, eetgerei en breekware toegerus.

Die sitarea het gemaklike banke en 'n TV. Die eetarea het oorgenoeg sitplek waar gas hul maaltye kan geniet.

Die woonstel het 'n slaapkamer met 'n dubbelbed en 'n en suite-badkamer met 'n stort, toilet en 'n wasbak. Daar is ook 'n kombuis en 'n sitarea.

Die huis het 'n groot onderdakstoep aan die voorkant met skuifdeure wat na buite lei.

Die eenheid het lieflike braaigeriewe en 'n groot grasperk waar kinders kan speel.

Parkeerplek is op die perseel beskikbaar.

Die huis is 700 m vanaf die naaste swemplek by die Goukourivier by die klein strand in Little England. Die huis is 5 minute se stap vanaf die naaste koffiewinkel en restaurante.

Kry ’n Kwotasie