Harmonie 1

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: Strandloperstraat 17, Voorstrandt, Paternoster, 7381, Wes-Kaap
Vanaf R2 420 per nag (plek vir 6)

Beskrywing

Harmonie 1 is in Paternoster in die Wes-Kaap geleë. Dié dorpie is een van die oudste vissersdorpies aan die Weskus en die streek is bekend vir sy kreef, hengel, strande en skilderagtige uitsigte.

Harmonie 1 is 'n pragtige grasdakhuis wat oor 3 slaapkamers en 2 badkamers beskik. Daar is slaapplek vir tot 6 gaste. Die hoofslaapkamer beskik oor 'n dubbelbed en 'n en suite-badkamer met 'n bad en 'n stort. Die tweede slaapkamer bevat 'n dubbelbed en daar is 'n derde solderkamer met 2 enkelbeddens. Hierdie kamer het 'n spiraaltrap en dis nie geskik vir kinders onder die ouderdom van 6 jaar nie. Verder is daar 'n oopplan-sitkamer, -eetkamer en -kombuis.

Daar is ook 'n beskutte patio met buitemeubels. Die eenheid het ook 'n kaggel binne en 'n braaiplek buite, asook 'n toesluitmotorhuis en 1 veilige parkeerplek.

Paternoster is ongeveer 150 km van Kaapstad af op die R27 en ongeveer 15 km noordwes van Vredenburg. Dit is 'n gunsteling-wegbreekplek onder Kapenaars. Die Weskus is bekend vir sy magdom endemiese spesies en is baie gewild onder natuurliefhebbers en blommekyk-entoesiaste.

Kry ’n Kwotasie