Hawerland

Selfsorg

Kapasiteit: 30 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Hawerlandplaas, Hawerland, Graafwater, 8120, Wes-Kaap
Vanaf R600 per nag, vir 2 mense

Beskrywing

Hawerland is op 'n plaas in die Graafwater-omgewing, tussen die dorpe Clanwilliam en Lambertsbaai geleë, en bied gehalteverblyf wat ideaal is vir 'n sorgelose wegbreek, omring deur die natuur. Hierdie elektrisiteit-vrye eenhede is perfek vir wanneer jy net 'n blaaskans van tegnologie nodig het, sonder om luukshede soos warm water prys te gee.

Die verblyf bestaan uit 2 selfsorgkothuise wat elk 4 gaste kan akkommodeer asook 6 karavane waarvan 2 3 gaste en 4 4 gaste kan akkommodeer.

Elke selfsorgkothuis beskik oor 'n hoofslaapkamer met 'n dubbelbed en die tweede slaapkamer het 2 enkelbeddens. Die eenhede is volledig toegerus met eetgerei, breekware en beddegoed en bied ook 'n gasgeiser, gasyskas en 'n gasstoof. Beligting in die nag word verskaf deur sonkrag-gelaaide ligte.

Die karavane beskik oor 'n aparte kombuisie en badkamer met 'n stort. Die karavane maak ook van gas en sonkrag gebruik.

Beide die kothuise en karavane is op die plaas geleë. Daar is 'n privaat braai-area by elk van die eenhede en vuurmaakhout is beskikbaar op die plaas teen 'n ekstra koste.

Daar is 'n gemeenskaplike swembad vir gaste se gebruik asook staproetes vir diegene wat die berge wil invaar. Wanneer die blomseisoen aanbreek, is die plaas 'n ideale plek om die prag van die Namakwalandse blomme te aanskou.

Kry ’n Kwotasie