Hawthorn Haven

Selfsorg

Kapasiteit: 7 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Hawthorn-laan 8, Jeffreysbaai, 6330, Oos-Kaap
Vanaf R4 000 per nag (plek vir 7)

Beskrywing

Hawthorn Haven is 'n pragtige, ruim huis wat vir gesinne ontwerp is en bied 'n asemrowende, panoramiese uitsig oor Jeffreysbaai ─ 'n wêreldbekende branderplankrybestemming. Die ligging maak dit die ideale plek om te ontspan en die branderplankrykultuur te geniet.

Dié huis bied slaapplek aan 7 gaste en beskik oor 4 slaapkamers, 3 badkamers, 'n oopplan-kombuis, -eetarea en 2 sitareas. Die hoofslaapkamer het 'n koninggrootte-bed en 'n en suite-badkamer met 'n bad, stort, wasbak en 'n toilet. Die tweede slaapkamer het 'n koninggrootte-bed en 'n en suite-badkamer met 'n stort. Die derde slaapkamer het 1 enkelbed en die vierde slaapkamer het 2 enkelbeddens. Gaste deel 'n gastebadkamer met 'n bad, stort, wasbak en 'n toilet. Linne en handdoeke word voorsien.

Die kombuis is met 'n yskas-vrieskas, stoof, oond, mikrogolfoond, eetgerei, breekware en koffie- en teemaakgeriewe toegerus. Die aparte opwaskamer het 'n skottelgoedwasser en 'n wasmasjien. Daar is 'n eetarea waar gaste hul maaltye kan geniet. Die aangrensende sitarea het gemaklike rusbanke en 'n TV.

Die stoep het buitesitplek en 'n ingeboude braai. Daar is ook 'n tweede sitarea bo wat na 'n balkon lei wat buitesitplek en 'n asemrowende see-uitsig het. Buite is 'n groot grasperk waar kinders kan speel. Hierdie is die perfekte wegbreek vir gesinne en vriende.

Kry ’n Kwotasie