Beskrywing

Hector's Bay Cottage is in 'n veilige landgoed op die oewer van die Vaaldam, net 12 km vanaf Oranjeville, geleë en bied gerieflike selfsorgverblyf in 'n kothuis met slaapplek vir 6 wat op dieselfde perseel as Hector's Bay Hoofhuis geleë is en 8 mense akkommodeer. Vir groter partytjies van tot 14 mense kan albei eiendomme bespreek word.

Die kothuis beskik oor 3 slaapkamers, 2 badkamers, 'n kombuis en 'n sitkamer. Die hoofslaapkamer is ingerig met 'n koningingrootte-bed en het 'n en suite-badkamer met 'n stort. Die tweede slaapkamer het 'n dubbelbed en die derde slaapkamer is ingerig met 2 enkelbeddens. Die 2 kamers deel 'n badkamer met 'n bad en 'n stort. Gerieflikheidshalwe word alle linne voorsien.

Die oopplan-kombuis is toegerus met 'n stoof en oond, 'n mikrogolfoond, 'n yskas, asook tee- en koffiemaakgeriewe. Etes kan by die ontbytkroeg geniet word. Gaste kan ontspan in die sitkamer, wat toegerus is met 'n TV met sekere DStv-kanale en uitloop op die onderdakstoep met buitebraaigeriewe en 'n uitsig oor die dam.

Gaste kan van die 200 m-privaat waterfront gebruik maak vir visvang, en daar is genoeg spasie om te fiets, stap of draf.