Henry's House on Sea

Selfsorg

Gratis kansellasie tot 1 week voor jou verblyf!
Kapasiteit: 4 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Canterbury-weg 872, Woodgrange, Hibberdene, 4220, KwaZulu-Natal
Vanaf R700 per nag (plek vir 4)

Beskrywing

Henry's House on Sea is in Wood Grange, Hibberdene, geleë en bied gehalteverblyf vir 'n klein gesin of groep vriende. Dit is binne maklike bereik van talle winkels, restaurante, die strand, doendinge en besienswaardighede.

Dié eenheid beskik oor 2 slaapkamers en bied slaapplek aan 4 gaste. Die hoofslaapkamer het 'n koningingrootte-bed en 'n en suite-badkamer met 'n stort, toilet en wasbak. Die tweede slaapkamer het 2 enkelbeddens en 1 stapelbed, asook 'n en suite-badkamer met 'n stort, toilet en wasbak. Elke kamer het 'n plafonwaaier. Die kombuis is toegerus met 'n stoof, oond, yskas-vrieskas, mikrogolf, koffie- en teemaakgeriewe, breekware en eetgerei. Die sitkamer het gemaklike stoele asook 'n TV met 'n DStv-koppelpunt, daar is 'n Oopsig-dekodeerder, maar dit kan deur gaste se eie DStv vervang word. Met ander woorde, gaste kan hul eie DStv-dekodeerder, slimkaart en afstandbeheer saambring om van hierdie fasiliteit gebruik te maak. Die eenheid lei na 'n groot dek met 'n tuinstel en spog met pragtige see-uitsigte.

Die swembad word onderhou vir gaste se gerief en daar is ook sitplek, asook sonstoele by die swembad.

Braaigeriewe met 'n sitarea is beskikbaar waar gaste kan ontspan.

Gaste kry veilige parkeerplek vir 1 voertuig op die perseel wat met 'n afstandbeheerder werk en daar is 'n privaat ingang wat na die verblyf lei. Dit het ook 'n moderne alarmstelsel met 'n gewapende reaksie vir ekstra sekuriteit.

Daar is veiligheidshekke tussen die parkeerplekke en die eenhede, sodat kinders nie by die motors kan speel nie.

Die Hibberdene-strand is 'n erkende Blouvlagstrand, maar die verblyf is ook naby baie ander kleiner strande. Die huis is naby die nodige winkelsentrums vir alledaagse benodigdhede sowel as die plaaslike kroeg en braai, wegneemete-franchise, waterglybaan, mini-gholfbaan, en vele ander besienswaardighede soos Oribi-kloof, Dinosouruspark, ponieritte en Butterfly World .

Kry ’n Kwotasie