Heritage Guest House

Gastehuis

Kapasiteit: 17 persone
Alle ouderdomme is welkom
Inkloktyd: 14:00 tot 20:00
Uitkloktyd: 11:00
Adres: Voortrekkerstraat 3, Alexandria, 6185, Oos-Kaap
Vanaf R850 per nag, vir 2 mense
TGCSA-gradering:

Beskrywing

Heritage Guest House is in 'n groot, boomryke tuin met oorgenoeg voëlspesies geleë en bied gemaklike verblyf in 'n gastehuis in Alexandria. Die gastehuis bied warm Oos-Kaapse gasvryheid met heerlike plaas-etes en gemaklike kamers.

Die gebou is oud en is oorspronklik as 'n klein hotel gebou wat sy deure in 1852 oopgemaak het. Die oorspronklike gebou was heelwat kleiner en het verskeie aanbouings gekry oor die jare. Dit het unieke kamers van verskillende groottes tot gevolg gehad. 'n Paar van die buitegeboue dateer ook uit daardie tyd. Die oorspronklike kombuis was buite en daar was ook 'n stal wat nou die waskamer en kombuis is. Gaste kan gerus hiervan gebruik maak. Verskeie oorspronklike afwerkings, soos die pragtige geelhoutvloere en skuifraamvensters, kan steeds gesien word. Veranderinge is vroeg in die 1950's aangebring en die invloed van daardie tyd kan steeds gesien word.

Verblyf word in 9 kamers en 1 woonstel aangebied. Buiten die woonstel is al die kamers op die boonste verdieping en word met 'n trap bereik. Elke kamer beskik oor 'n verwarmer, 'n waaier, koffie- en teemaakgeriewe en 'n TV met plaaslike kanale. Al die kamers bied dieselfde geriewe, maar sommiges is knus en ander groter waar 2 oorspronklike kamers bymekaargevoeg is. Daar is kamers met uitsigte oor die straat. Die kamer is ongelukkig nie groot genoeg dat 'n ekstra bed bygevoeg kan word nie en kinders moet dus met hul ouers deel. Die gastehuis het veilige parkeerplek op die perseel agter 'n hek.

Toe hierdie gastehuis gebou is, was dit baie algemeen om die huis aan die voorkant van die erf te bou, dus is die huis reg teen die straat met 'n groot tuin agter. Die pad kan besig raak gedurende spitstye, maar dit word rustiger gedurende die naweke en vakansies.

Kry ’n Kwotasie