Heuglins

Selfsorg

Gratis kansellasie tot 1 week voor jou verblyf!
Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 11:00
Adres: Darterrylaan 5, Sheffield Landgoed, Witrivier, 1240, Mpumalanga
Vanaf R1 300 per nag, vir 2 mense
TGCSA-gradering:

Beskrywing

Heuglins bied gerieflike verblyf in 5 selfsorgkothuise in Sheffield, 'n sekuriteitslandgoed sowat 5 km vanaf Witrivier en langs die Witrivier Gholflandgoed. Heuglins is die ideale oorslaapplek vir diegene op pad na die Krugerwildtuin en omgewing.

Die kothuise is lekker privaat geleë in 'n skaduryke tuin met uitsigte wat strek vanaf die Vallei tot by die Witrivier Gholfbaan en verder. Elke kothuis het 'n mikrogolfoond, ketel, broodrooster, yskas, induksiestoofplaat en braaigeriewe. Daar is ook potte, 'n braaipan, eetgerei, breekware en ander kombuistoebehore. 'n Ontbytpakkie kan gereël word, asook bevrore geregte wat net opgewarm hoef te word. Verder het elke kothuis ondervloerse verhitting, 'n groot stort en 'n bad, en sekere DStv-kanale. Gaste het ook toegang tot 'n privaat area buite.

Heuglins se tuin spog met volop voëls en daar is reeds meer as 120 spesies by Heuglins en omliggende gebied aangeteken. Gaste kan gerus die omgewing verken, doendinge aanpak soos stap, voëlkyk of visvang in die damme, of eenvoudig net agteroorsit en ontspan in die rustige omgewing.

Heuglins is naby die Krugerwildtuin en die Panorama-roete en bied gaste die geleentheid om die bestemmings te besoek of om net te sit in die aangename atmosfeer van die huisies en tuin.

Kry ’n Kwotasie