HIbernian Towers 1006

Selfsorg

Spesiale Aanbod 25% af

Kry 25% af (minimum twee nagte se verblyf). Geldig vir verblyf vanaf 1 Okt 2024 tot 30 Nov 2024.

Kapasiteit: 6 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: Hibernian Towers Eenheid 10.6, Kusweg, Strand, 7140, Wes-Kaap
Vanaf ~~R2 500~~ R1 875 per nag (plek vir 6)

Beskrywing

Hibernian Towers 1006 is 'n selfsorgwoonstel in die Hibernian Towers-gebou op die strandfront in Strand. Dit is naby Somerset-Wes en die Kaapse Wynlande.

Dié woonstel bied slaapplek aan 6 gaste en beskik oor 3 slaapkamers, 'n oopplan-kombuis en 'n leefarea. Die eerste en tweede slaapkamers het elk 'n dubbelbed en die derde slaapkamer het 2 enkelbeddens.

Die kombuis is met 'n yskas, mikrogolfoond, oond, stoof en broodrooster toegerus. Daar is ook 'n wasmasjien en 'n tuimeldroër. Die sitarea het 'n LCD-TV met die volle DStv-pakket. Die woonstel spog met ondervloerse verhitting. Daar is 'n balkon met 'n uitsig oor die see, op Tafelberg en die pragtige Helderberge en Hottentots-Hollandberge. Die balkon het buitemeubels en braaigeriewe.

Die hysbak werk tydens beurtkrag en daar is Magneto-ligte in die woonstel. Die WiFi werk met 'n UPS. Die Hibernian Towers-gebou het 'n gimnasium, sauna en 'n swembad op die vierde verdieping, asook 'n winkeltjie, koffiewinkel, restaurant en 'n spa en haarsalon op die grondverdieping.

Die Stellenbosch Wynroete met verskeie wynplase is net 15 tot 25 km weg. Die woonstel is op die Golden Mile geleë en is stapafstand van verskeie winkels en restaurante af.

Kry ’n Kwotasie