Hideaway Haven at Thirteen Acres

Selfsorg

Gratis kansellasie tot 1 week voor jou verblyf!
Kapasiteit: 5 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Bitouweg 13, Hoekwil, Wildernis, 6538, Wes-Kaap
Vanaf R2 000 per nag (plek vir 5)

Beskrywing

Hideaway Haven at Thirteen Acres is 'n heeltemal privaat houthuis op die rand van 'n klein inheemse woud in Hoekwil, 'n dorpie op die Tuinroete.

Die huis bied slaapplek aan 5 gaste en beskik oor 2 slaapkamers en 2 badkamers. Die eerste slaapkamer het 'n koningingrootte-bed en 'n en suite-badkamer met 'n stort. Die tweede slaapkamer het 'n enkelbed en 'n stapelbed en die aparte badkamer het 'n stort.

Die oopplan-leefarea het 'n etenstafel met stoele, 'n sitarea met gemaklike rusbanke, 'n kaggel en 'n TV met Netflix. Die kombuis is met 'n yskas-vrieskas, gasstoof, oond, mikrogolf, wasmasjien en 'n tuimeldroër toegerus.

Buite is daar 'n onderdakdek met 'n asemrowende uitsig. Braaigeriewe, gratis WiFi en veilige parkeerplek is ook beskikbaar.

Gaste kan na die Hoekwil-dorpie stap en die Hoekwil Cafe vir die beste koffie en kaaskoek besoek, of 'n draai by Floreer Organic-winkel vir varsgebakte brood en plaaslike organiese produkte maak. Vir middagete of aandete kan gaste Hoeka Toeka, Merchant & Maiden, of Rambling Rose besoek.

Die huis spog met 'n see-uitsig in die verte en is net 5 minute se ry vanaf die naaste strand en 12 km vanaf die Wildernis se hoofstrand. Dit is ideaal vie diegene wat die Tuinroete wil verken of bloot net wil ontspan.

Kry ’n Kwotasie