Hoedjiesbaai Hotel

Hotel

Spesiale Aanbod 10% af

Kry 10% af. Geldig vir verblyf vanaf 1 Aug 2024 tot 12 Des 2024.

Kapasiteit: 62 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Hoofweg 38, Saldanhabaai, 7395, Wes-Kaap
Vanaf ~~R1 260~~ R1 134 per nag, vir 2 mense
TGCSA-gradering:

Beskrywing

Die Hoedjiesbaai Hotel is in Saldanhabaai en is gedeeltelik in die water ingebou. Dit bied 'n pragtige uitsig oor die rustige baai van Saldanha en die omliggende omgewing. Die hotel is in 1970 gebou en is in 'n retro-styl met moderne afwerkings.

Ons het 32 kamers en die kamers op die tweede verdieping het privaat balkonne. Die kamers is en-suite en ruim met opsies vir 'n dubbelbed of twee enkelbeddens. Die kamers het TV met DStv, tee- en koffiemaakgeriewe, handdoeke, toiletware. Die kamers word daagliks skoongemaak.

Die hotel is perfek geleë om die Weskus te verken. Dit is 150 km vanaf Kaapstad Internasionale Lughawe en 7,2 km vanaf die Saldanha-vliegveld. Die hotel is 10,7 km vanaf die Weskus Mall en binne loopafstand vanaf winkelsentrums.

Die Eigebraai Restaurant is op die derde verdieping van die hotel geleë met 'n skouspelagtige 360°-uitsig oor Saldanha en die hawe. Geniet die tuisgemaakte plaaslike kookkuns met wyne van ons bekroonde Suid-Afrikaanse wynkelders. Die restaurant bedien ontbyt, middagete en aandete en het sy eie kroeg en sitarea.

Daar is ook 'n spa, haarsalon, 'n gimnasium, 'n dameskroeg op die grondvloer en 'n funksie- / konferensieruimte wat tot 120 mense kan huisves. Die hotel is ook die tuiste van die West Coast Mystery Room wat 'n lewendige speletjie is waar gaste verskeie raaisels moet oplos om binne 60 minute iot die kamer uit te kom.

Kry ’n Kwotasie