Honne-Hemel: Oubaas

Spacious place ideal for relaxing.

We loved our stay at Honne-Hemel: Oubaas and came away feeling refreshed. It is very spacious and has comfortable beds. Our whole family relaxed during our stay. The view is amazing, and the one braai area is above the house and overlooks the town. Hondeklipbaai is a basic town, and it was good to get out of the rat race for a while.

Beautiful place, ideal location, superb hosts!

We booked for one night on a road trip but ended up staying for two. We should have stayed for a week! It's an absolutely awesome place with superb hosts!

Baie lekker, net te kort.

Lia het 'n baie aangename plekkie met 'n eie karakter in die area en omgewing waar dit is. Dit was 'n unieke ervaring. Ons sou baie langer gebly het as ons kon.

Pragtige uitsigte, genoeg braaiplekke, netjiese kamers.

Baie lekker gebly, dankie ook aan die eienaars vir hulle gasvryheid. Ongelukkig geen WiFi wat baie sou help as mens van die buiteland af kom om kontak te kan maak met familie.

Lekkerste lekker!

Ons geniet dit vreeslik in die area en die park en die roetes wat mens kan ry! Die mense is vriendelik en daar is nie woorde vir die strand nie. Vars lug en vrede vir mens se siel. Ons het ongelukkig laat vertrek en Li was so hulpvaardig! Ons was baie dankbaar vir haar! Die blyplek is altyd skoon en netjies en ens slaap lekker warm! Veilig omhein vir die kinders! Ons het vreeslik lekker gebly!

Dit was so lekker, Tannie Lea is vriendelik en die huisie was wonderlik. Kinders was mal oor al die speelplek en ek kon gerus wees dat hulle veilig was die hele tyd. Dit was voorwaar een van die beste vakansiehuise waarin ek nog was.

Dit was so lekker, Tannie Lea is vriendelik en die huisie was wonderlik. Kinders was mal oor al die speelplek en ek kon gerus wees dat hulle veilig was die hele tyd. Dit was voorwaar een van die beste vakansiehuise waarin ek nog was.

Baie lekker en eienaars is helse vriendelik.

Baie rus in gekry en die locals is vriendelik.

Baie kalm en rustig, jy kan net ontspan daar.

Mooi en skoon, die uitsig van hier is net om van te droom. Geniet net jou tyd by Oubaas.

Baie rustig, ideaal vir ontspanning.

Baie netjies en goeie ligging met ’n pragtige uitsig.

Wat 'n juweel!

Koos en Lia is wonderlike mense! Hulle het sowaar 'n ekstra myl gestap om alles vir ons gemaklik en lekker te maak. Alles was perfek skoon! Ons het die elektriese komberse en binnebraai veral geniet in die koue. Ons gaan beslis weer hier bly in die toekoms.

Son en see in die winter.

Ons het baie lekker gebly. Plek was mooi skoon en ons het baie welkom gevoel. Ons het ons privaatheid geniet en kon sommer net tuis voel. Ons het lekker warm geslaap al was ons in die hart van die winter daar. Pak maar lekker warm klere. Die dorpie is baie vriendelik en al was daar nie groot winkels nie kon ons tog 'n paar benodigdhede soos hout kry. Ons gaan vir seker weer gaan kuier en hoop om weer daar te bly!

Absoluut wonderlik en ontspanne.

Pragtige see uitsig en netjies. Die omgewing is veilig. Die huis is keurig ingerig vir 'n ontspanne en gesellige kuier.

Net die beste.

Het baie lekker gebly, gebraai en gekuier, kan regtig aanbeveel. Oubaas het alles in wat jy benodig. Baie dankie, Koos en Lia, julle het ons bederf.

Hemel op aarde vir hond en mens!

Pragtige uitsig oor die baai.

Sielsalige wegbreek.

Ons groep van 6 vriende was aangenaam verras met heerlike atmosfeer, lekker binnebraai en ronde kuiertafel en goeie diens van Lea. Hoogtepunt was die Dop en Kreef restaurant. Moenie dit mis nie, kos, diens en vriendelikheid was uitsonderlik.

Uitstekende fasiliteit, fantastiese uitsig, gasvry en vriendelike mense, heerlike seekos, medisyne vir die psige en siel.

Die huis is skoon goed onderhou met alles wat jy moontlik kan nodig kry. Dit was 'n ongelooflike tyd, ons sal weer en weer gaan kuier. Dankie Koos en Lia.

Rustig en te kort.

Wonderlike plek en mense. Dis heerlik skoon en klein goedjies soos elektriese komberse was heerlik in die koue. Neem net genoeg drinkwater en kruideniers, daar is geen winkels.

Hemels, puik en uniek!

Baie besonderse verblyf met ekstra liefde aanmekaar gesit en die uitsig en ruimte vir kinders om te ontdek en speel.

Lekker kuierhuis.

Binnebraai met ronde tafel voor was ideaal vir die koue weer. Warm lakens op beddens was 'n baie lekker plus. Gerieflik en lekker groot.

Sielskos.

Om jou stilte te vind en weer die aarde te waardeer wat jou Skepper vir jou gemaak het. Hierdie stukkie hemel laat jou weer besef wat dit is om mens te wees.

Die verblyf was 5-ster en word hoogs aanbeveel.

As jy op Hondeklipbaai wil vertoef, hoef jy nie verder as Honnehemel te soek nie. Die huis het 'n pragtige uitsig, is absoluut volledig toegerus, bring net kos en drank. 'n Mens voel baie veilig, selfs om alleen langs see te stap. Die dorpie is rêrig afgeleë en as stilte en rus jou wens is, is dit jou plek. Lia het ons baie tuis laat voel en die beskuit was 'n heerlike bonus, baie dankie. Ons sal definitief in die toekoms weer hier wil bly.

Salig!

Dit was so 'n lekker ervaring om na jare weer die dorpie te besoek. Lekker ou herinneringe en weer nuwes gemaak in Lia en Koos se oulike seehuisie. Baie dankie vir die hartlike ontvangs en julle gasvryheid. Dit het alle verwagtinge oortref. Ons sal definitief weer kom kuier.

Pragtige huis weg van die huis af.

Hierdie is 'n baie mooi woning, 'n huis weg van die huis met 'n pragtige uitsig oor die see. Hondeklipbaai se gemeenskap is ook baie vriendelik en rustig. 'n Mens kan sien dat die eienaars baie liefde in hierdie huis ingesit het met 'n groot gevoel van rustigheid en veiligheid en baie mooi en prakties gemeubileerd met 'n volle toegeruste kombuis. Siende dit winterstemperature was, was dit baie koud in Hondeklipbaai, maar die huis is so uitgerus dat niemand vir 'n oomblik onderdaks gebibber het van die koue nie! Die eienaars is baie vriendelik en tegemoedkomend! Ons kinders het dit ook vreeslik geniet en lekker geslaap met hul elektriese komberse en veilig gebaljaar in die groot erf. Ons sal definitief hierdie stukkie hemel aanbeveel en ons hoop om self ook weer binnekort terug te keer daarheen.

Lekker gebly maar kan vervelig raak.

Die verblyf is netjies en alles is daar wat nodig is. Vat maar extra toiletpapier saam want die verblyf word nie gediens gedurende die tyd nie. Kan gebeur dat daar geen TV is nie.

Fantasties.

Pragtige plek, goed toegerus met als wat ons kon nodig kry.

Die elektriese komberse op die bed, was diep lekker, en see view awesome!

Fantastiese 2 dae op Hondeklipbaai gehad, ten spyte van 2 pap wiele sal ek vir seker weer Hondeklipbaai besoek. Ek sal met nog vriende wil gaan en ook ons fietse en stapsakke wil saamvat! Dis die ver ry en grondpad werd! Dop en Kreef Restaurant se vis en kreef was vars en diens tops, en see view is natuurlik bo-aan lys.

Interessant.

Eienaars was baie aangenaam en huis was ten volle toegerus vir wat ons nodig gehad het.

Die beste ooit.

Lia Viviers kan volpunte kry vir die manier wat sy die huis inrig. Sy maak voorsiening vir alles. Dit was heerlik om in so 'n goed versorgde huis te kon bly.

Baie mooi huis en uitsig en het baie lekker gekuier en gebly.

Volledige huis. Goeie waarde vir geld. Netjies, mooi uitsig en geriewe. Vriendelike eienaars. Ek kan dit aanbeveel.

Fantasties.

As jy wil wegkom van als en almal en jou voete wil vind (en tien teen een nooit weer teruggaan huis toe nie) is hierdie die perfekte plek. Honne-Hemel is waarlik hemel op aarde. Ons het heerlik gebly en nuwe dinge geleer. Ons het maar met swaar harte huis toe vertrek. Gasvryheid is uit die boonste rakke. Alles wat jy van 'n selfsorg-eenheid verlang en nog meer sal jy daar kry. Dis skoon en netjies en lekker ingerig. Ons beplan al aan die volgende vakansie. Baie dankie aan die eienaars vir al die moeite.

Uitstekend!

Lia en haar man was werklik interessante mense om te ontmoet. Hulle het ons dadelik laat welkom voel en ons gerus gestel. Dit is rustig en stil. Dit is 'n plek waar jy net kan stap en rustig vat. Dit sal beter wees as jy met 'n 4x4 daarnatoe ry. Die grond pad is lank en met tye baie sleg. Ek kan met 'n geruste hart se dit was baie lekker daar en beslis die geld werd.

Heerlike verblyf. Aangename eienaars.

Huis baie aangenaam en goed toegerus (pasop net vir trappie na sitkamer). Geriewe en uitsig kan nie beter nie. Net jammer ons tydjie was so kort - het ten minste 5 dae nodig. Ons het Hondeklipbaai gekies as sentrale bestemming om blomme te gaan kyk in Skilpadpark - maar die blomme was so pragtig rondom Hondeklipbaai dat dit nie nodig was om na Skilpadpark te reis om te gaan kyk nie. Ry net langs die kus af in die rigting van Groenriviermond en daar is oorgenoeg om te sien en te waardeer.

Die huis is baie goed toegerus en kyk uit oor die see.

Heerlike lapa wat ook op die see uitkyk. Die eienaars is baie vriendelik en behulpsaam en sal geen moeite ontsien om 'n mens se verblyf aangenaam te maak nie. Die erf is omhein so 'n mens kan jou hondjie saamvat.

Absoluut wonderlik!

As mens wil wegbreek van almal en alles en net weer jou batterye wil herlaai is Honne-Hemel net die plek.

Nie net hemel vir honne! Ons het vir 3 aande gebly en het dit verskriklik geniet.

Die huis was baie netjies en daar was sowaar alles wat jy kon nodig kry! Die matrasse op die beddens was puik en nie dun spons goeters nie! Die sitkamer banke was baie gerieflik en nie reeds voos gesit nie! Die braaiers was mooi skoon! Die erf ook baie netjies. Die ligging van die huis is ook perfek. Ons het ook die voëlbad in die voortuin baie geniet. Dit was so lekker om die hele dorpie plat te stap en vele onvergeetlike stories raak te loop. Was baie spyt toe ons moes ry en nie langer kon bly nie! Julle sien ons beslis weer!

Baie skoon, netjiese, gerieflike en rustige verblyf! Die mooi uitsig is 'n bonus!

Koos en Lia se gasvryheid het die kuiertjie soveel lekkerder gemaak!

Onvergeetlik!

Die uitsig is ongelooflik. Die huis het alles en nog meer wat jy sou nodig hê, en die mense is mense-mense!

A lovely braai area with sea view.

The owner was extremely helpful and washed our clothes at no extra charge as the washing machine was broken. The braai area is stunning and even has an outside toilet and sink. A minor complaint was that DStv was not working. We had a most enjoyable stay and will be back.