Hopton House

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Van Reenen-straat 728, Clarens, 9707, Vrystaat
Vanaf R3 900 per nag (plek vir 8)

Beskrywing

Hopton House is in die toweragtige dorpie Clarens geleë en bied gehalteverblyf aan gaste wat op soek is na 'n vreedsame wegbreek. Die huis is naby verskeie winkels, restaurante, doendinge en besienswaardighede.

Dié huis beskik oor 4 slaapkamers en het slaapplek vir 8 gaste. Die onderste verdieping het 2 slaapkamers en elke kamer het 'n koningingrootte-bed met 'n elektriese kombers. Daar is ook 2 badkamers en dubbeldeure wat na die patio lei. Die eerste badkamer het 'n bad en die tweede badkamer het 'n stort.

Die boonste verdieping het ook 2 slaapkamers wat die derde badkamer met 'n bad, toilet en wasbak deel. Die 1 slaapkamer het 'n dubbelbed en 'n deur wat na 'n Juliet-balkon lei. Die tweede slaapkamer het 2 enkelbeddens. Elke bed het 'n elektriese kombers.

Die oopplan-leefarea het 'n eet- en sitarea, kaggel en 'n dubbeldeur wat lei na die patio. Daar is gemaklike sitplek en 'n TV met DStv, DVD-speler en verskeie bordspeletjies.

Die kombuis is toegerus met 'n yskas, mikrogolfoond, elektriese oond, skottelgoedwasser, wasmasjien, tuimeldroër, tee- en koffiemaakgeriewe, eetgerei en breekware.

Daar is ook 'n dubbelmotorhuis.

Kry ’n Kwotasie