Horizon Bay 103

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Strand Boulevard 6, Table View, Bloubergstrand, 7441, Wes-Kaap
Vanaf R2 200 per nag (plek vir 4)

Beskrywing

Horizon Bay 103 bied selfsorgverblyf in 'n tweeslaapkamerwoonstel in Bloubergstrand.

Die woonstel beskik oor 2 slaapkamers met dubbelbeddens en 2 badkamers beskikbaar, waarvan 1 en suite is. Die 1 badkamer beskik oor 'n bad en die ander het 'n stort. Die hoofslaapkamer het toegang tot die balkon.

Die kombuis is volledig toegerus met 'n oond, mikrogolfoond, koffiedompelaar, wasmasjien en yskas onder andere.

Die leefarea met 'n gemaklike L-vormige rusbank bevat 'n groot platskerm-TV met DStv, 'n DVD-speler en 'n HiFi. Daar is 2 informele eetareas op die balkon wat perfek is vir onthaal. Daar is ook sonstoele wat dit die ideale plek maak om te ontspan en die uitsig oor die see en (gedeeltelik) Tafelberg in die verte te geniet.

Ekstra geriewe in die woonstel sluit in: WiFi, braaigeriewe, veilige parkeerplek en 24 uur-sekuriteit.

Horizon Bay 103 bied gaste die ideale ligging, na aan restaurante, kroeë en kafees asook die hoofpad wat direkte toegang tot die gonsende Kaapse middestad en die majestueuse Weskus bied. Die nabye strand bied die ideale geleentheid vir 'n luilekker wandeling met 'n pragtige uitsig.

Let wel dat die swembad slegs oor naweke beskikbaar is.

Kry ’n Kwotasie